Yeni beynəlxalq ödəniş aləti ölkəmizə gəlir
"Android sistemini dəstəkləyən ödəniş həlli ölkəmizə gətirilir. Yaxın günlərdə bununla bağlı yeniliklərimizi ictimaiyyətlə bölüşəcəyik".
ABB-nin Kart məhsulları sahəsinin rəhbəri (Tribe Lead) Əfqan Abbasovun Marja.az-a müsahibəsi.
-ABB bu günlərdə TamGənc kartını bazara təqdim etdi. Belə məhsullarla bazarda hansı üstünlükləri yaratmaq istəyirsiniz?
-Gənc müştərilərin istəklərinə uyğun məhsul və xidmətlərin yaradılması yeni strateji dövrdə ABB üçün vacib məqamlardan biridir. Müştərilərimiz arasında gənc nəslin təmsilçilərinin sayı artır. Gənclərin bank xidmət və məhsulları ilə bağlı özünəməxsus ehtiyacları olur. ABB olaraq biz də bu ehtiyacları onların istəklərinə uyğun qarşılamağa çalışırıq. Sərfəli kreditlərimizi hər kəsə əlçatan edərkən, onlayn xidmətlərimizlə banka gəlmək ehtiyacını aradan qaldırarkən, ödəniş kartlarından istifadənin üstünlüklərini və keşbek imkanlarını genişləndirərkən həm də gənc müştərilərimizin gözləntilərini nəzərə alırıq.
TamGənc kartı da sırf 18-25 yaş aralığında müştərilərimiz üçün yaradılmış məhsuldur. Gənclər bu kartla bir çox xidmətlərimizdən güzəştlərlə yararlana bilirlər. Kart sahibləri taksi və dəmiryolu nəqliyyatında, musiqi platformalarında, kitab mağazalarında, muzeylərdə, oyunların və rəqəmsal məhsulların alışında ödəniş zamanı 5%-dək keşbek qazancı əldə edirlər. Müəyyən limit daxilində köçürmə və nağdlaşdırma əməliyyatlarında onlardan komissiya haqqı tutulmur. Kart hesabındakı pul qalığına illik 6%-dək gəlir hesablanır. Hər bir gənc 18 yaşı tamamlanan kimi 1 ay ərzində özünün ilk bank kartını - TamGənc kartını ABB filiallarından pulsuz əldə edə bilər. Bunun özü ölkəmizdə bir ilkdir ki, 18 yaşı tamamlanan gənclərimizə TamGənc kimi faydalı bir kart hədiyyə olaraq bağışlanır.
-Təmassız ödəniş imkanlarını genişləndirmək üçün Bank hazırda nə işlər görür?
-Rəqəmsal inkişaf layihələrimizin mühüm qismi məhz bu istiqamətlə bağlıdır. Təmassız ödəniş imkanlarının genişləndirilməsi üçün yeni tərəfdaşlıqlar qururuq. Müxtəlif təşkilatlarla məlumat mübadiləsi sistemlərinin inteqrasiyasına çalışırıq. Bildiyiniz kimi, bir müddət əvvəl tərəfdaşlarımızla birgə mühüm layihəyə imza atıb dəmiryolu nəqliyyatında təmassız ödənişlərə imkan yaratdıq. Bu prosesin davamı olaraq insanların mütəmadi istifadə etdikləri digər xidmət infrastrukturlarında da təmassız ödənişlərin inkişafı istiqamətində işlər davam etməkdədir.
NFC sistemini dəstəkləyən ATM-ləri də ölkəmizdə ilk dəfə ABB tətbiq etdi. Hazırda ölkə ərazisində ABB-nin 196 yeni nəsil ATM-i quraşdırılıb və bu proses davam edir. Müştərilər fiziki kartlar olmadan NFC-ni dəstəkləyən ödəniş alətləri ilə ATM-lərimizdə təmassız nağdlaşdırma və digər əməliyyatlar apara bilirlər.
-ABB ötən ilin sonlarında ApplePay-i kart sahibləri üçün əlçatan etdi. Bu il də oxşar yenilikləriniz olacaqmı?
-Bəli, hazırda tərəfdaşlarımızla birgə mühüm bir layihə üzərində işi başa çatdırmaq üzrəyik. Android sistemini dəstəkləyən ödəniş həlli ölkəmizə gətirilir. Yaxın günlərdə bununla bağlı yeniliklərimizi ictimaiyyətlə bölüşəcəyik. Əminik ki, ABB-nin digər müasir bankçılıq həlləri kimi bu yeniliyimiz də müştərilərimizdə yüksək məmnuniyyət yaradacaq. Yeni müştəri təcrübəsinin formalaşmasına, ölkəmizdə təmassız ödəniş ənənələrinin genişlənməsinə töhfə verəcək.
Marja.az-ın Telegram kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri
SON XƏBƏRLƏR
- 2 ay sonra
- 1 həftə sonra
-
2 saat əvvəl
AMD və OpenAI strateji tərəfdaşlıq qurdu, AMD səhmləri 38% bahalaşdı
-
-
2 saat əvvəl
Tramp yük avtomobilləri üçün 25 %-lik gömrük rüsumu elan edib
- 7 saat əvvəl
-
8 saat əvvəl
Bugatti Mistral - Dünyanın ən sürətli roadsteri artıq Azərbaycanda - FOTOLAR
- 8 saat əvvəl
- 8 saat əvvəl
- 8 saat əvvəl
- 8 saat əvvəl
- 8 saat əvvəl
-
10 saat əvvəl
Azərbaycan xaricilərə 8 milyon manata yaxın “tax free” qaytarıb
Son Xəbərlər

Ödənişsiz İnvestisiya Seminarı

AMD və OpenAI strateji tərəfdaşlıq qurdu, AMD səhmləri 38% bahalaşdı

Tramp yük avtomobilləri üçün 25 %-lik gömrük rüsumu elan edib

Azərbaycanın investisiya şirkətinə əlavə maya qoyulur

Özbəkistan Prezidenti Azərbaycana səfərə gəlib

Bakı Limanında son 22 ilin ən yüksək nəticəsi qeydə alınıb

Bakcell-in meqa lotereyasının ilk qalibi bəlli oldu!
Ən çox oxunanlar

Dolların sabah üçün rəsmi məzənnəsi müəyyən olunub

Azərbaycan xaricilərə 8 milyon manata yaxın “tax free” qaytarıb

Qırğızıstan Prezidenti Azərbaycana gəldi

Macarıstanın Baş naziri Qəbələdədir

Azərbaycan bazarı Pakistan əti ilə dola bilər - RƏSMİ İCAZƏ ALDILAR

Azərbaycanda aktiv ƏDV ödəyicilərinin sayı artmaqda davm edir

Dövlət Vergi Xidməti "planı" artıqlaması ilə icra edib

Fond 9 ayda dövlət büdcəsinə 11 milyard manata yaxın vəsait köçürüb
