"AzRe Təkrarsığorta"nın xalis mənfəəti 3 dəfədən çox artıb

"AzRe Təkrarsığorta"nın xalis mənfəəti 3 dəfədən çox artıb

"AzRe Təkrarsığorta"nın xalis mənfəəti 3 dəfədən çox artıb

"AzRe Təkrarsığorta" ASC 2021-ci il üzrə konsolidasiya edilmiş maliyyə hesabatlarını mətbuatda dərc etdirib.

Marja.az xəbər verir ki, "AzRe Təkrarsığorta" 2021-ci ili 10 milyon 487 min manat xalis mənfəət ilə başa vurub. Şirkət 2020-ci ili 3 milyon 214 min manat xalis mənfəət ilə bağlamışdı. Beləliklə, "AzRe Təkrarsığorta"nın 2021-ci ildə xalis mənfəəti 2020-ci illə müqayisədə 3,3 dəfə artıb. Artım, hesablanmış sığorta haqlarının artmasından deyil, məcmu zərərlər ehtiyatında azalma (vəsaitin azad olması) və təkrarsığortaya verilmiş təkrarsığorta haqlarının düşməsi hesabınadır.

"AzRe Təkrarsığorta"nın hesabladığı sığorta haqları 2020-ci ildə 96 milyon 757 min manat ikən, 2021-ci ildə 70 milyon 635 min manata düşüb (16 milyon 122 min manat və ya 27% azalıb).

2020-ci ildə 29 milyon 293 min manat artmış məcmu zərərlər ehtiyatı, 2021-ci ildə 24 milyon 707 min manat azalıb.

"AzRe Təkrarsığorta" ASC-nin 2021-ci ildə məcmu sığorta ödənişləri 2020-ci illə müqayisədə 53% artaraq 47 milyon 505 min manata yüksəlib.

31 dekabr 2021-ci il tarixində "AzRe Təkrarsığorta" ASC 127 milyon 3 min manat cəmi aktivlərə malik olub. Şirkət 2020-ci ilin sonunda 181 milyon 33 min manat cəmi aktivlərə malik idi.

“AzRe Təkrarsığorta” ASC Azərbaycan sığorta bazarında birbaşa təkrarsığorta fəaliyyəti ilə məşğul olan yeganə şirkətdir. 50 milyon manat nizamnamə kapitalı olan “AzRe Təkrarsığorta” ASC 6 fiziki şəxsə məxsusdur. Şirkət "Qala Sığorta" şirkətinin 100%, "Qala Həyat Sığorta" şirkətinin 90%, "Azər-Türk Bank" ASC-nin 6,55% hissəsinə sahibdir.

09.08.2022 09:28

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az