Hazırda Azərbaycanda yaradılmış yeni qanunvericilik bazası imkan yaradır ki, İT şirkətləri özləri üçün investisiya yatırsınlar.

Bunu innovasiya ekosistemi nümayəndələri ilə görüşdə çıxış edən rəqəmsal inkişaf və nəqliyyat naziri Rəşad Nəbiyev deyib.

"Azərbaycan İT şirkətləri bəzən udduqları tenderləri Ukrayna şirlətlərinə "outsourcing" edirdilər. Təbii ki, bunun kökü satınalmalara bağlıdır. Artıq bu, əvvəlki illərdə kimi deyil. İndi bu daha şəffafdır".

Nazir Azərbaycanın xidmət satan İT şirkətlərinin "TEKNOFEST Azərbaycan"da iştirak etməmələri ilə bağlı Azərbaycan İnternet Forumunun prezidenti Osman Gündüz tərəfindən səslənən iddialara da aydınlıq gətirdi:

"Hesab edirəm ki, onların "TEKNOFEST Azərbaycan"da iştirak etməmələrinin səbəbi "Nə təqdim edək?" sualına cavab verə bilməmələridir. Azərbaycanda olan İT şikrətləri festivalda iştirak edirdilər. Amma onlar orada məhsul təqdim edən gənclərlə birgə idi".

Osman Gündüz Azərbaycan şirkətlərinin "TEKNOFEST Azərbaycan"da iştirakından narazılığını bildirərkən qeyd edib: "Məncə siz "TEKNOFEST Azərbaycan" festivalından sonra həyəcan təbili çalmalı idiniz. Orda bir dənə xidmət satan İT şirkətimiz yox idi. Amma Türkiyədən 20 şirkət gəlmişdi. Niyə onlar belə möhtəşəm tədbirə gəlmir, amma "Bakutel" kimi tədbirə 20-30 min manat verib gedib iştirak edirlər".

Ekspert "TEKNOFEST Azərbaycan" festivalında ADA Universiteti ilə görüşündən danışarkən bildirib ki: "Onlar da dronların gətirilməsi ilə bağlı narahatlığını ifadə edirdilər. Əgər ADA Universitetinin nümayəndəsi belə edirsə, görün digərlərinin vəziyyəti necədir".

O.Gündüzün fikirləri ilə razılaşan nazir əlavə edib ki, hazırda bu problemin həll edilməsi istiqamətində işlər aparılır: "Aviasiya haqqında yeni qanun hazırlanır və bu qanunun qəbulundan sonra ölkəyə dronların gətirilməsində yaranan narahatlıq aradan qalxacaq".

Qeyd edək ki, hazırda ölkəyə dron gətirmək istəyən şəxslər bir sıra qurumların icazəsini almalıdır.

İllik 14.5%-dən 30 000 AZN-dək zaminsiz komissiyasız kredit!

"Report"