Mərkəzi Bank sığorta agentlərinə xəbərdarlıq edib

Mərkəzi Bank sığorta agentlərinə xəbərdarlıq edib

Mərkəzi Bank sığorta agentlərinə xəbərdarlıq edib

Azərbaycan Mərkəzi Bankı rüblük hesabatları vaxtında verməyən sığorta agentlərinə xəbərdarlıq edib.

VTB-də yüksək depozit faizləri daha çox qazandırır

Bu barədə Mərkəzi Bankdan bildirilib.

Məlumatda qeyd olunur ki, sığorta bazarının infrastrukturunun, o cümlədən sığorta vasitəçiliyinin gücləndirilməsi Mərkəzi Bankın sığorta sektorunun inkişaf strategiyasının mühüm istiqamətlərindən biridir: "Bu məqsədlə xarici təcrübəyə uyğun olaraq sığorta vasitəçiliyi ilə bağlı müasir tələblərin formalaşdırılması, öyrənmə və inkişaf imkanlarının genişləndirilməsi diqqət mərkəzində saxlanılır.

2021-ci il 27 may tarixli “Sığorta fəaliyyəti haqqında” Qanununa edilmiş dəyişikliklərə əsasən sığorta agentləri müvafiq lisenziya ilə sığorta vasitəçiliyi fəaliyyəti ilə məşğul olarkən eyni zamanda, sığortaçıda əmək fəaliyyəti ilə məşğul ola bilməzlər. Burada məqsəd sığorta vasitəçilərinin müstəqil bazar iştirakçısı kimi rolunun gücləndirilməsinə xidmət edir.

Son illərdə sığorta bazarında başlanmış yeni inkişaf trendləri sığorta vasitəçiləri arasında da rəqabəti gücləndirmiş, vasitəçilər qarşısında yeni inkişaf çağırışları yaradıb".

Bankdan bildirilib ki, “Sığorta fəaliyyəti haqqında” Qanuna əsasən sığorta agentləri rüblük hesabatları müvafiq rüb başa çatdıqdan 20 gün müddətində Mərkəzi Banka təqdim etməlidirlər: "Rüblük hesabatların təqdim edilməməsinə görə 2021 və 2022-ci illər ərzində 251-i fiziki və 2-si hüquqi şəxs olmaqla 253 lisenziya dayandırılmışdır. Dayandırılmış lisenziyalardan 92-si (91 fiziki şəxs agent) bərpa olunub".

Qeyd olunur ki, Mərkəzi Bank tərəfindən 160 sığorta agentinin lisenziyası ləğv olunmuşdur. Ləğv olunmuş lisenziyalardan 98-i könüllü müraciət əsasında, 62 agentin lisenziyası isə qanunvericiliyin tələblərinə riayət edilməməsi səbəbindən məcburi qaydada ləğv edilib.

Bununla yanaşı, 2021-2022-ci illər ərzində 24 agentə sığorta vasitəçiliyi fəaliyyəti ilə bağlı yeni lisenzya verilib.

İllik 14.5%-dən 30 000 AZN-dək zaminsiz komissiyasız kredit!

08.06.2022 18:04

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az