Bu ilin yanvar-aprel aylarının yekunlarına görə, Azərbaycandakı 20 sığorta şirkətindən 11-nin ödənişləri illik müqayisədə artıb, 7-sinin ödənişləri azalıb, 2 şirkət (“Aqrar Sığorta Müştərək Sığorta Şirkəti” və “Meqa Həyat Sığorta” ASC-lər) ötən ilin yanvar-aprel aylarında ödəniş etmədiyi üçün onların ödənişlərində dinamika qeydə alınmayıb.

Bu barədə Azərbaycan Mərkəzi Bankının açıqladığı statistik hesabatda bildirilir.

Hesabata əsasən, son 1 ildə ödənişləri ən çox artan şirkət “Bakı Sığorta” ASC-dir. Bu şirkət 4 ay ərzində 795 min  manat ödəniş edib ki, bu da 1 il əvvələ nisbətən 4,6 dəfə çoxdur. Ödənişləri ən az artan şirkət isə “Atəşgah Sığorta” ASC-dir. Bu şirkətin ödənişləri 3 milyon 897 min manat təşkil edib ki, bu da illik müqayisədə 9% çoxdur.

Ödənişləri azalan şirkətlər arasında ən pis vəziyyət "Atasığorta" ASC-dədir. Bu şirkət il ərzində 2 milyon 344 min manat ödəniş edib ki, bu da 1 il əvvələ nisbətən 14,1% azdır. Ödənişlərdə azalma baxımından ən yaxşı vəziyyət isə “İpək Yolu Sığorta” ASC-dədir. Bu şirkətin ödənişləri 75,1% azalaraq 34 min manata düşüb. 

6 sığorta şirkətinin yığımları azalıb

Bu ilin yanvar-aprel aylarının yekunlarına görə, Azərbaycandakı 20 sığorta şirkətindən 14-nün yığımları illik müqayisədə artıb, 6-nın yığımları azalıb.

Bu barədə Azərbaycan Mərkəzi Bankının açıqladığı statistik hesabatda bildirilir.

Hesabata əsasən, son 1 ildə yığımları illik müqayisədə ən çox artan şirkət "Aqrar Sığorta Müştərək Sığorta Şirkəti" ASC-dir. Bu şirkət 4 ay ərzində 3 milyon 711 milyon manat sığorta haqqı toplayıb ki, bu da 1 il əvvələ nisbətən 3,2 dəfə çoxdur. Daxilolmaları ən az artan şirkət isə “Azərbaycan Sənaye Sığorta” ASC-dir. Bu şirkətin daxilolmaları 6 milyon 163 min manat təşkil edib ki, bu da 1 il əvvələ nisbətən 2,7% çoxdur.

Yığımları azalan şirkətlər arasında ən pis vəziyyət Dövlət Sığorta Kommersiya Şirkətindədir (“Azərsığorta”). Bu şirkətin daxilolmaları 91,7% azalaraq 3 milyon 322 min manat olub. Yığımlarda azalma baxımından ən yaxşı vəziyyət isə “Meqa Sığorta” ASC-dədir. Bu şirkətin daxilolmaları 7,3% azalaraq 8 milyon 503 min manata düşüb. 

KREDİTİ ONLAYN əldə et – 30 000 AZN-dək, 0% komissiya

© "Renkinq"