Yığım və ödənişləri azalan sığorta şirkətləri

Yığım və ödənişləri azalan sığorta şirkətləri

Yığım və ödənişləri azalan sığorta şirkətləri

2022-ci ilin 4 ayı üzrə Azərbaycanda fəaliyyət göstərən sığorta şirkətlərinin maliyyə vəziyyəti məlum olub.

Azərbaycan Mərkəzi Bankının açıqladığı statistikaya əsasən, bu ilin yanvar-aprel aylarında 20 sığorta şirkətindən 14-nün sığorta yığımları artıb, 6-nın yığımları isə azalıb. Bu dövrdə 12 sığorta şirkətinin ödənişləri artıb, 7 sığorta şirkətinin ödənişləri azalıb və 1 sığorta şirkəti isə ödəniş həyata keçirməyib.

Faizlə ən böyük artım dinamikası “Aqrar Sığorta” və “Meqa Həyat Sığorta” şirkətlərində qeydə alınıb - 3,1 dəfə. “Bakı Sığorta” isə 69% artım dinamikası ilə üçüncü olub.

Artımın həcminə görə, “PAŞA Həyat” sığorta şirkəti 37,7 milyon manat göstərici ilə liderdir. Siyahıda ikinci olan “PAŞA Sığorta”nın yığımları ötən ilin eyni dövrünə nisbətən 8,8 milyon manat, “Xalq Sığorta”nın yığımları isə 3,2 milyon manat artıb.

Yığımları azalan şirkətlər isə “Azərsığorta” (91,7%), “Atasığorta” (65%), “Günay Sığorta” (41,8%), “İpək Yolu Sığorta” (14,2%), “Azsığorta” (8,5%) və “Meqa Sığorta” (7,3%) olub.

Sığorta ödənişlərinin faizlə artım dinamikasına görə lider “Bakı Sığorta” (4,5 dəfə çox) olub. “Aqrar Sığorta”nın ödənişləri 100%, “Xalq Həyat”ın ödənişləri isə 79% artıb.

Bu dövrdə ödənişlərin məbləğinə görə, ən böyük artım “PAŞA Sığorta”da qeydə alınıb - 5,2 milyon manat. “Xalq Sığorta”nın ödənişləri 998 min manat, “A-Qroup Sığorta”nın ödənişləri isə 752 min manat artıb.

Ödənişləri azalan sığorta şirkətləri isə “İpək Yolu Sığorta” (75%), “Azərsığorta” (73,6%), “PAŞA Həyat” (72,7%), “Atəşgah Həyat” (48,3%), “Qala Həyat” (45%), “Azsığorta” (30,5%) və “Atasığorta” (14,1%) olub. “Meqa Həyat” sığorta şirkəti isə bu dövrdə hər hansı bir ödəniş həyata keçirməyib.

KREDİTİ ONLAYN əldə et – 30 000 AZN-dək, 0% komissiya

25.05.2022 10:02

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az