Vətəndaş Qocayev Zuar Tahir oğlu Marja.az saytına müraciət edərək, Xətai ray, Sarayevo küç, ev. 7, mən. 81 ünvanında yerləşən mənzilini satdığını və evin yeni sahibinin dövlət istilik təchizatını dayandırıb, kombi sistemi qura bilmədiyini iddia edir. 

Müraciətçi iddia edir ki, buna səbəb “Azəristliktəchizat” şirkətinin vermədiyi istiliyə görə ödəniş istəməsidir. Mənzil son 4-5 il ərzində dövlət tərəfindən istilik ilə təchiz edilməyib.

Həmçinin oxu

“Azəristliktəchizat” şirkəti vermədiyi istiliyə görə ödəniş istəyir" - VƏTƏNDAŞ ŞİKAYƏT EDİR

Məsələ ilə əlaqdar “Azəristiliktəchizat” ASC-nin Abonent  və  Müştəri  Xidmətləri şöbəsinin  rəisi Rafiq  Əliyev   Marja.az-ın sorğusunu cavablandırıb:

“Xətai rayonu, Sarayev küçəsi 7 saylı yaşayış binasının 81-ci mənzilində vətəndaş Zaur Qocayevin istilik təchizatına dair müraciəti ilə əlaqədar məktubunuza “Azəristiliktəchizat” ASC-də baxılmışdır.

Müraciətinizlə əlaqədar olaraq bildiririk ki, “Azəristiliktəchizat” ASC-nin nümayəndələri və qeyd olunan yaşayış binasının mülkiyyətçisi olan 112 saylı MTK-nın sədrinin iştirakı ilə birlikdə araşdırmalar aparılmışdır.

Nəzərinizə çatdırırıq ki, “Azəristiliktəchizat” ASC-nin əraziyə xidmət göstərən müvafiq İstilik Sistemləri İstismar Sahəsi tərəfindən hər payız-qış mövsümündə aparılan yoxlamalar zamanı qeyd olunan mənzilin cari payız-qış mövsümündə və əvvəlki payıq-qış mövsümlərində istiliklə təmin olunduğu müəyyən edilmiş, yaşayış binasının mülkiyyətçisi olduğu Mənzil Tikinti Kooperativinin sədri tərəfindən qeyd olunan faktlar təsdiq edilmişdir və 81 saylı mənzil “Azəristiliktəchizat” ASC-nin abonent bazasında  istilik alan mənzil kimi qeydiyyatdadır.

Eyni zamanda bildiririk ki, həmin mənzilin istilik təchizatına dair bu günə kimi “Azəristiliktəchizat” ASC-yə heç bir ərizə və şikayət daxil olmamışdır. Yuxarıda qeyd olunanları nəzərə alaraq bildiririk ki, həmin mənzilə hesablanan istilik borcları mənzildə istifadə olunmuş istilik təchizatı xidmətlərinin real dəyərini əks etdirir və ödənilməlidir.

Əlavə olaraq bildiririk ki, mənzilin istilik təchizatının mövcud vəziyyətinə baxış keçirilməsi üçün mənzilin hazırki mülkiyyətçisinə dəfələrlə müraciət olunmasına baxmayaraq vətəndaş tərəfindən müvafiq şərait yaradılmamışdır”.