Ən çox azalma “Atəşgah Sığorta”dadır

Ən çox azalma “Atəşgah Sığorta”dadır

Azərbaycanda fəaliyyət göstərən 20 sığorta şirkətindən 9-nun ötənilki (xalis) mənfəəti əvvəlki illə müqayisədə az olub.

Bunlar “Azərbaycan Sənaye Sığorta” (ASS), “PAŞA Həyat Sığorta”, “Meqa Sığorta”, “Xalq Sığorta”, “İpək Yolu Sığorta”, “Azsığorta”, “A-Qrup Sığorta”, “Meqa Həyat Sığorta” və “Atəşgah Sığorta” ASC-lərdir.

VTB-də yüksək depozit faizləri daha çox qazandırır

Ən çox azalma “Atəşgah Sığorta”da (90,2%), ən az azalma isə ASS-də (0,7%) qeydə alınıb.

4 sığorta şirkəti – “Atasığorta”, “Bakı Sığorta” və “Günay Sığorta” ASC-lər, eləcə də Dövlət Sığorta Kommersiya Şirkəti (“Azərsığorta”) ötən ili zərərlə, əvvəlki ili mənfəətlə, 1 sığorta şirkəti – “Aqrar Sığorta Müştərək Sığorta Şirkəti” ASC isə ötən ili mənfəətlə, əvvəlki ili isə zərərlə başa vurub. Odur ki, bu şirkətlərin (xalis) mənfəətinin / zərərinin dinamikasını hesablamaq mümkün olmayıb.

Qalan 6 sığorta şirkətinin (xalis) mənfəəti isə artıb. Ən yüksək dinamika “Xalq Həyat Sığorta” ASC-də (7 dəfə), ən aşağı dinamika isə “PAŞA Sığorta” ASC-də (19,4%) qeydə alınıb.

5 sığorta şirkətinin ötənilki (xalis) mənfəəti 5 milyon manatdan çoxdur

Azərbaycanda fəaliyyət göstərən 20 sığorta şirkətindən 4-ü ötən ili zərərlə başa vurub. Bunlar, “Günay Sığorta”, “Bakı Sığorta” və “Atasığorta” ASC-lər, eləcə də Dövlət Sığorta Kommersiya Şirkətidir (“Azərsığorta”).

Qalan 16 sığortaçı müxtəlif məbləğlərdə (xalis) mənfəət əldə edib. Onlardan 5-də sözügedən göstərici 5 milyon manatdan çoxdur. Həmin sığorta şirkətləri “PAŞA Sığorta” (24,634 milyon manat), “PAŞA Həyat Sığorta” (17,714 milyon manat), “Qala Sığorta” (9,373 milyon manat), “Atəşgah Həyat Sığorta” (6,432 milyon manat) və “Xalq Sığorta” (5,029 milyon manat) ASC-lərdir.

Qalan 11 sığorta şirkətindən 5-nin (xalis) mənfəəti 1-5 milyon manat arasında, 6 şirkətin (xalis) mənfəəti isə 1 milyon manatdan azdır.

KREDİTİ ONLAYN əldə et – 20 000 AZN-dək, 0% komissiya

10.05.2022 12:18

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az