Fed/Yellen: Balansı azaltmağa bu il başlamağı nəzərdə tuturuq

Fed/Yellen: Balansı azaltmağa bu il başlamağı nəzərdə tuturuq

Fed/Yellen: Balansı azaltmağa bu il başlamağı nəzərdə tuturuq

Fed sədri Janet Yellen faiz qərarından sonra mətbuat konfransında ABŞ iqtisadiyyatının müqavimətli qaldığını və Fed-in mərhələli faiz artırmağa davam edəcəyini bildirib.

Yellen "inflyasiyada son ləngimənin səbəbi birdəfəlik qiymət endirimlərinə bağlıdır. Komitəmiz inflyasiyanın hələ bir neçə ildə 2%-ə çatacağını gözləyir. Son zəif inflyasiya göstəricilərinə istinadən inflyasiyanı yaxından təqib etməyə davam edirik" deyib.

Yellen məşğulluğun daha da güclənəcəyini bildirib.

"SON MƏLUMATLARA HƏDDİNDƏN ARTIQ REAKSİYA VERMƏMƏK LAZIMDIR"

Pul siyasətinin əvvəlcədən müəyyən olunmadığını bildirən Yellen, "bir sıra zəif göstəricilər gəldi, xüsusilə baza inflyasiyada. Biz inflyasiyanın yaxın perspektivdə aşağı olmasını gözləyirik, ancaq bir tərəfdən güclü əmək bazarı inflyasiyanın yuxarı qalxması üçün şərait yaradır. Son gələn məlumatlara həddindən artıq reaksiya verməmək çox əhəmiyyətlidir",- deyə bildirib.

BALANSIN AZALDILMASI

Balansın azaldılması prosesinə bu il başlamağı nəzərdə tutduqlarını qeyd edən Yellen "bu bizim yeni investisiya xərclərimizi azaldacaq. Əlimizdə tutduğumuz aktivləri mərhələli şəkildə azaldacağıq" deyib.

Yellen balansın azaldılmasının rezerv normallşana qədər davam etdiriləcəyini, balansın aktiv bir siyasət vasitəsi kimi istifadə edilməyəcəyini ifadə edib.

Yellen ortalama işsizlik nisbətinin 2018 və 2019-da 4.2% olacağını gözlədiklərini bildirib.

Fed bugünkü iclasda faiz dərəcəsini gözlənildiyi kimi 25 bənd artırmış, bu il daha bir dəfə faiz artırılacağını qeyd edib. Ətraflı: http://marja.az/news/8720?title=fed-faiz-artirdi

14.06.2017 21:16