Volkswagen və BP 8000 enerji doldurma məntəqəsi quraşdıracaq

Volkswagen və BP 8000 enerji doldurma məntəqəsi quraşdıracaq

Volkswagen qrupu ilə Böyük Britaniyanın neft və qaz şirkəti BP 2024-cü ilin sonuna qədər Avropada 8000 yeni elektrik enerjisi doldurma məntəqəsi quraşdıracaq. Almaniyanın avtomobil nəhəngi 2030-cu ilə qədər satışlarının 70 faizinin elektrikli avtomobillərdən ibarət olacağını gözləyir.

Volkswagen və BP 8000 enerji doldurma məntəqəsi quraşdıracaq

Volkswagen (VW) qrupu ilə BP 2024-cü ilin sonuna kimi Almaniya, Böyük Britaniya və bəzi Avropa ölkələrində 8000 yeni enerji doldurma məntəqəsi quraşdıracaq. İki şirkətin layihəsi elektromobillərə keçidi asanlaşdırmaq məqsədi daşıyır.

Marja.az xəbər verir ki, yeni enerji doldurma cihazlarının yerləri həm VW qrup avtomobillərində (Seat və Skoda daxil olmaqla), həm də avtomobildaxili proqramlar vasitəsilə əldə ediləcək. BP-nin artan enerji doldurma şəbəkəsi Volkswagen, Skoda və Seat-ın avtomobilin idarə panellərinə inteqrasiya olunacaq. Bununla da sürücülər çox qısa müddətdə BP-də ən yaxın enerji doldurma məntəqəsini tapa biləcəklər.

BP və Volkswagen Group tərəfindən həyata keçirilən ilk enerji doldurma qurğusu Almaniyanın Düsseldorf şəhərində xidmət göstərməyə başlayıb. 24 ay ərzində Almaniya və Böyük Britaniyada 4000-ə qədər elektrik avtomobili doldurma məntəqəsinin olması planlaşdırılır. Bu əməkdaşlıq iki şirkətə ekoloji cəhətdən təmiz nəqliyyatda daha çox investisiya imkanlarını araşdırmaq imkanı verir.

VW elektrikləşdirmə planlarını sürətləndirdikcə, 2030-cu ilə qədər satışlarının 70 faizinin elektrikli avtomobillərdən olacağını gözləyir. Artan müştəri tələbi ilə əlaqədar olaraq, elektrik enerjisilə hərəkət edən avtomobil istehsalçıları geniş enerji doldurma şəbəkəsinə ehtiyac duyurlar.

BP neft-qaz nəhəngi kimi reputasiyasını “inteqrasiya edilmiş enerji şirkəti”nə çevrilmək lehinə dəyişməyə çalışır. Bu birgə sərmayə BP-yə yanacaqdoldurma məntəqələrini elektrik enerjisisi doldurma stansiyalarına çevirməyə kömək edəcək.

04.05.2022 08:09