“Kred Aqro”da zərər artıb

“Kred Aqro”da zərər artıb

“Kred Aqro” BOKT MMC 2021-ci ili 1 milyon 439 min manat xalis zərər ilə başa vurub. Təşkilat 2020-ci ili 1 milyon 416 min manat xalis zərər ilə bağlamışdı. Beləliklə, “Kred Aqro” BOKT-un xalis zərəri 1,6% artıb.

Marja.az təşkilatın maliyyə hesabatlarına istinadən xəbər verir ki, 2020-ci ildə 1 milyon 500 min manat təşkil etmiş faiz gəlirləri, 2021-ci ildə 1 milyon 184 min manata geriləyib.

“Kred Aqro”nun zərər etməsinin səbəbi xərclərinin gəlirlərini üstələməsidir. Ötən il təşkilatın 1 milyon 839 min manat cəmi gəlirlərinə qarşı cəmi xərcləri 3 milyon 250 min manat təşkil edib.

Ötən il “Kred Aqro”nun kredit portfeli 42% azalaraq 2020-ci ilin sonundakı 6 milyon 143 min manatdan 4 milyon 324 min manata geriləyib.

"Kred Aqro", 2000-ci ildə ABŞ-ın Beynəlxalq İnkişaf Agentliyinin Azərbaycanda Kənd Təsərrüfatının Kreditləşdirilməsi Layihəsi çərçivəsində Azərbaycanın regionlarında sahibkarlara maliyyə xidmətlərinin göstərilməsi üçün yaradılmışdır. Onun əsası,ACDI/VOCA (Kənd Təsərrüfatının Kooperativ İnkişafı) ABŞ-ın qeyri-hökumət beynəlxalq inkişaf təşkilatı və Azərbaycan Kənd Təsərrüfatının Kreditləşdirilməsi Layihəsinin içraçısı tərəfindən qoyulmuşdur. Kredaqro, bu layihə çərçivəsində, ABŞ –dan texniki yardım və 3 milyon dəyərində kredit kapitalı almışdır. 2008 –ci ildə ABŞ –ın Beynəlxalq İnkişaf Agentliyi KredAqro-nun təsisçisi olan ACDI/VOCA –ya KredAqro-nun tam mülkiyyət hüququnu vermişdir.