Şuşadakı teleqüllənin layihələndirmə xərcləri açıqlanıb

Şuşadakı teleqüllənin layihələndirmə xərcləri açıqlanıb

Şuşadakı teleqüllənin layihələndirmə xərcləri açıqlanıb

Şuşa Radio-Televiziya Yayım Stansiyasının (RTYS) layihələndirilməsi və tikintisi 494 min manata başa gələcək.

Bu barədə Azərbaycan Rəqəmsal İnkişaf və Nəqliyyat Nazirliyindən (RİNN) məlumat verilib.

Bildirilir ki, tələb olunan vəsaitin artıq bir hissəsi podratçıya ödənilib:

"Azərbaycan Prezidenti İlham Əliyev və birinci xanım Mehriban Əliyeva 7 noyabr 2021-ci il tarixində Şuşa Radio-Televiziya Yayım Stansiyasının yeni bina və qülləsinin təməlqoyma mərasimində iştirak ediblər. Ölkə başçısının 7 noyabr 2021-ci il tarixli Sərəncamı ilə Şuşa RTYS-in layihələndirilməsi və tikintisi məqsədilə 2021-ci il dövlət büdcəsində işğaldan azad olunmuş ərazilərin yenidən qurulması və bərpası üçün nəzərdə tutulan vəsaitdən Rəqəmsal İnkişaf və Nəqliyyat Nazirliyinə ilkin olaraq 200 min manat ayrılıb. Prezidentin 1 mart 2022-ci il tarixli Sərəncamı ilə isə bu məqsədlər üçün bu ilin dövlət büdcəsindən 294 min manat ayrılıb".

Nazirlikdən bildirilib ki, layihələndirmə üçün tələb olunan 494 min manatdan ilkin olaraq 200 min manat Bakı Dövlət Layihə İnstitutuna ödənilib və sözügedən İnstitut tərəfindən layihələndirmə işlərinə başlanılıb: "Stansiyanın tikintisi üçün tələb olunan maliyyə vəsaiti layihə hazır olduqdan sonra müəyyən ediləcək”.

Qeyd edək ki, ötən gün Azərbaycan Prezidentinin sədrliyi ilə bu ilin birinci rübünün yekunlarına həsr olunan müşavirə keçirilib. Müşavirədə çıxış edən ölkə başçısı Şuşadakı teleqüllə haqqında da danışıb: “Şuşada yeni teleqüllənin təməli qoyuldu və yəqin ki, yaxın gələcəkdə layihə təqdim ediləcək. Təqdim edilən kimi mütləq vəsait ayrılmalıdır”.

KREDİTİ ONLAYN əldə et – 20 000 AZN-dək, 0% komissiya

13.04.2022 16:11

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az