“Bakı Sığorta”nın yığımları 2,3 dəfə artıb

“Bakı Sığorta”nın yığımları 2,3 dəfə artıb

“Bakı Sığorta”nın yığımları 2,3 dəfə artıb

“Bakı Sığorta” ASC 2021-ci ili 1 milyon 712 min manat xalis zərər ilə başa vurub. Xatırladaq ki, “Bakı Sığorta” şirkəti 2020-ci ili 155 min 211 manat xalis mənfəət ilə bağlamışdı. Ötən il yaranmış zərərin əsas səbəbləri “Bakı Sığorta”nın sığorta ödənişlərinin 3,5 dəfə və sığorta ehtiyatlarına ayırmanın 3 dəfə artmasıdır.

ƏMƏLİYYAT GƏLİRLƏRİ ARTIB

Marja.az şirkətin maliyyə hesabatlarına istinadən xəbər verir ki, ötən il “Bakı Sığorta”nın cəmi əməliyyat gəlirləri 3 milyon 890 min manat, cəmi əməliyyat xərcləri 5 milyon 601 min manat təşkil edib. Müqayisə üşün qeyd edək ki, 2020-ci ildə Şirkətin cəmi əməliyyat gəlirləri 2 milyon 627 min manat, cəmi əməliyyat xərcləri 2 milyon 433 min manat təşkil etmişdi.

Eyni zamanda, Şirkət ötən il sığorta ehtiyatının yaradılmasına gəlirlərindən 1 milyon 981 min manat ayırıb (2020-ci ildə 653 min manat ayırmışdı)

YIĞIMLARI 2,3 DƏFƏ ARTIB

2020-ci ildə "Bakı Sığorta"nın hesabladığı sığorta haqları 2 milyon 73 min min manat ikən, 2021-ci ildə 4 milyon 741 min manata yüksəlib.

"Bakı Sığorta"nın sığorta ödənişləri isə 2020-ci ildə 370 min manat ikən, 2021-ci ildə 1 milyon 295 min manat təşkil edib.

Qeyd edək ki, “Bakı Sığorta” ASC-nin səhmdarları “Bank Respublika” ASC, “Diamond Motors” MMC, “Ekolizinq” MMC, “Toyota Abşeron Center” MMC, “Yeni Motor” MMC, və 2 fiziki şəxsdir. Şirkətin nizamnamə kapitalının həcmi 8 milyon 925 min 444 manat təşkil edir. Şirkət 27 növ üzrə sığorta xidmətləri təqdim edir.