Azərbaycanda könüllü sığorta 22% artıb, icbari sığorta isə 18% azalıb

Azərbaycanda könüllü sığorta 22% artıb, icbari sığorta isə 18% azalıb

Həyat sığortası 37%, qeyri-həyat sığortası isə 1% artıb

Azərbaycanda könüllü sığorta 22% artıb, icbari sığorta isə 18% azalıb

Bu ilin yanvar-fevral aylarında Azərbaycanda həyat sığortası növlərinin hesabına 63 milyon 3 min manat sığorta haqqı toplanılıb.

“Azərbaycan Mərkəzi Bankınaın statistikasına görə, bu, ötən ilin eyni dövrünə nisbətən 36,6% çoxdur.

Ötən 2 ayda qeyri-həyat sığortası növlərinin hesabına daxilolmalar isə 115 milyon 304 min manat təşkil edib. Bu isə illik müqayisədə 0,9% çoxdur.

Hesabat dövründə həyat sığortası növləri üzrə ödənişlər 79,75% azalaraq 10 milyon 447 min manata, qeyri-həyat sığortası növləri üzrə ödənişlər isə 41,4% azalaraq 28 milyon 489 min manata düşüb.

Beləliklə, 2022-ci ilin yanvar-fevral aylarında həyat sığortası bazarında toplanmış hər 100 manat sığorta haqqının 16,6 manatı, qeyri-həyat sığortası bazarında toplanmış hər 100 manat sığorta haqqının isə 24,7 manatı müştərilərə geri ödənilib. Bu rəqəmlər 2021-ci yanvar-fevral aylarında müvafiq olaraq 111,8 manat və 42,5 manat olub.

Könüllü sığorta 22% artıb, icbari sığorta isə 18% azalıb

Bu ilin yanvar-fevral aylarında Azərbaycanda könüllü sığorta növlərinin hesabına 143 milyon 136 min manat sığorta haqqı toplanılıb. Bu, ötən ilin eyni dövrünə nisbətən 21,6% çoxdur.

Ötən 2 ayda icbari sığorta növləri hesabına daxilolmaların məbləği isə illik müqayisədə 17,6% azalaraq 35 milyon 171 min manata düşüb.

Hesabat dövründə könüllü sığorta növləri isə ödənişlərin məbləği 24 milyon 63 min manat təşkil edib ki, bu da 1 il əvvələ nisbətən 63,55% azdır. İl ərzində icbari sığorta növləri üzrə ödənişlərin məbləği isə 56,2% azalaraq 14 milyon 473 min manata düşüb.

Beləliklə, 2022-ci ilin yanvar-fevral aylarında könüllü sığorta bazarından toplanmış hər 100 manat sığorta haqqının 17,1 manatı qədər ödəniş edilib. Bu rəqəm 2021-ci ilin yanvar-fevral aylarında 57 manat olub. İl ərzində icbari sığorta bazarında hər 100 manat sığorta haqqına düşən ödənişin məbləği isə 77,4 manatdan 41,15 manata düşüb.

KREDİTİ ONLAYN əldə et – 10 000 AZN-dək, 0% komissiya

30.03.2022 12:13

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az