Almaniya: Qətər ilə Ərəb ölkələri arasında böhran müharibəyə çevrilə bilər

Almaniya: Qətər ilə Ərəb ölkələri arasında böhran müharibəyə çevrilə bilər

Almaniya: Qətər ilə Ərəb ölkələri arasında böhran müharibəyə çevrilə bilər

PUL KARTLA BAZARLIQ ET, COCA-COLA QAZAN!

Almaniyanın xarici işlər naziri Sigmar Gabriel (Siqmar Qabriel), körfəzdə Qətər ilə bəzi Ərəb ölkələri arasındakı böhranın müharibəyə çevrilə biləcəyi barədə xəbərdarlıq edib.

"Marja" xəbər verir ki, Qabriel, "Frankfurter Allgemeine Sonntagszeitung" qəzetinə verdiyi açıqlamada, qardaş və qonşu ölkələrin bir-birinə davranışlarını "dramatik" olaraq qiymətləndirib.

"Bu anlaşılmazlığın müharibəyə çevriləcəyi təhlükəsi var" deyən Qabriel, böhranın həll edilməsi lazım olduğuna işarə edib.

ABŞ, Türkiyə, İran, Səudiyyə Ərəbistanı, Qətər və Küveyt xarici işlər nazirlərinin görüşdüyünü bildirən Qabriel, "Görüşlərdən sonra vəziyyətin nə qədər ciddi olduğunu bilirəm. Ancaq irəliləyişin təmin olunması üçün şansımız var" ifadələrini istifadə edib.

Qabriel, münaqişədə olan tərəflərin bir-biri ilə danışmaları lazım olduğunu qeyd edib.

Almaniyanın Baş naziri Angela Merkel də daha əvvəl Meksika səfəri zamanı verdiyi açıqlamada, Körfəzdəki vəziyyəti "həyəcanverici" kimi qiymətləndirmişdi.

ƏLA FÜRSƏT: 17600-DƏN BAŞLAYAN 4X4 AVTOMOBİLİ

Səudiyyə Ərəbistanı, Birləşmiş Ərəb Əmirlikləri (BƏƏ), Bəhreyn, Misir və Yəmən, ötən bazar ertəsi günü Qətər ilə bütün diplomatik əlaqələrini kəsdiyini bildirmişdir. Səudiyyə Ərəbistanı, BƏƏ və Bəhreyn ölkələrinin hava məkanını Qətərə bağlayaraq, Qətərli diplomatların 48 saat ərzində ölkələrindən çıxmasını istəmişdi.

Qətərə qarşı diplomatik mühasirəyə daha sonra Maldiv Adaları, Liviyadakı Tobruk hökuməti, Mavritaniya və Komor Adaları da qoşulmuşdu. İordaniya isə çərşənbə axşamı Qətər ilə diplomatik əlaqələrinin səviyyəsini aşağı saldığını və mərkəzi Qətərdə yerləşən Əl-Cəzirə televiziyasının yerli ofisini bağladığını bildirmişdi.

0% KREDİTLƏ OFİS MEBELİ!

11.06.2017 20:14