Maliyyə Nazirliyi 50 milyon manat cəlb edir - ŞƏRTLƏR

Maliyyə Nazirliyi 50 milyon manat cəlb edir - ŞƏRTLƏR

Maliyyə Nazirliyi 50 milyon manat cəlb edir - ŞƏRTLƏR

15 mart 2022-ci il tarixində Bakı Fond Birjasında Maliyyə Nazirliyinin 50 milyon manatlıq Dövlət Ortamüddətli İstiqrazları (DOİ) üzrə hərrac keçiriləcəkdir.

Birjanın yaydığı məlumata görə, hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaqdır.

VTB-də yüksək depozit faizləri daha çox qazandırır

İstiqrazların buraxılış parametrləri barədə məlumat aşağıdakı cədvəldə verilmişdir;

Dövlət istiqrazının növü	kuponlu, ortamüddətli dövlət istiqrazları
Qiymətli kağızın ISIN kodu	AZ0108009942
Emissiya həcmi	50 000 000 manat
Nominal dəyəri	100 manat
İstiqrazların tədavül müddəti	1820 gün
Faiz ödənişləri (olduqda)	13 sentyabr 2022-ci il, 14 mart 2023-cü il, 12 sentyabr 2023-cü il, 12 mart 2024-cü il, 10 sentyabr 2024-cü il, 11 mart 2025-ci il, 9 sentyabr 2025-ci il, 10 mart 2026-cı il, 8 sentyabr 2026-cı il, 9 mart 2027-ci il,
Faiz gəliri	5 %
Ödəmə tarixi	09.03.2027
Anderrayter	“Paşa Kapital İŞ”QSC

Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.

Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi Emitent tərəfindən hərraca çıxarılmış istiqrazların həcminin 20%-dən aşağı olduğu təqdirdə, Emitent bu sifarişləri qəbul etməyə bilər.

Hərrac zamanı dövlət istiqrazlarına tələb təklifi üstələyəcəyi və qiymət Emitenti qane edəcəyi halda isə, Emitent tərəfindən təklif edilən istiqrazların həcmi 50 faizədək artırıla bilər.

Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) “Üzvlər” bölməsində yerləşdirilib.

Qeyd edək ki, Maliyyə Nazirliyi 2022-ci ilin yanvar-fevral dövründə dövlət istiqrazlarının yerləşdirilməsi yolu ilə 257 milyon 261 min manat cəlb edib.

10.03.2022 15:50