"İlin ikinci yarısından inflyasiya azalmağa doğru gedəcək"

"İlin ikinci yarısından inflyasiya azalmağa doğru gedəcək"

“Beynəlxalq təşkilatların, dünyanın aparıcı mərkəzi banklarının və Azərbaycan hökumətinin proqnozları ondan ibarətdir ki, ilin ikinci yarısından başlayaraq inflyasiya azalmağa doğru getməlidir".

Bunu Mərkəzi Bankın sədri Elman Rüstəmov bildirib.

Onun sözlərinə görə, bütövlükdə Azərbaycan hökuməti və Mərkəzi Bankı qarşısında duran başlıca hədəf inflyasiyanın həcminin, səviyyəsinin azaldılmasıdır: "Bildiyiniz kimi, inflyasiya olduqca qlobal bir iqtisadi proses kimi qarşımızda durub. Artıq yanvar ayının nəticələrində də görürük ki, dünyanın aparıcı ölkələrində inflyasiyanın səviyyəsi qalxmaqda davam edir”.

E. Rüstəmov qeyd edib ki, bu istiqamətdə biz beynəlxalq inflyasiyanın azalmasına çox ümid edirik: "Çünki monetar, pul-kredit siyasəti sərtləşməlidir. Onlar antiinflyasiya tədbirlərini gücləndirməlidirlər ki, həm öz ölkələrində inflyasiyanı məhdudlaşdırsınlar, həm də Azərbaycana inflyasiya idxalını azaltsınlar. Digər tərəfdən, inflyasiyanın daxili amilləri də nəzarətdədir. Biz monetar siyasəti addım-addım sərtləşdirməyə doğru gedirik”.

Dövlət Statistika Komitəsinin məlumatına görə, bu ilin yanvar ayında Azərbaycanda istehlak qiymətləri indeksi (inflyaiya) ötən ilin eyni dövrünə nisbətən 12,5 %, o cümlədən ərzaq məhsulları, içkilər və tütün məmulatları üzrə 17,1 %, qeyri-ərzaq məhsulları üzrə 5,9 %, əhaliyə göstərilmiş ödənişli xidmətlər üzrə 11,1 % artıb.

Ötən ay isə istehlak qiymətləri indeksi əvvəlki aya nisbətən 1,6 % artıb.

Mərkəzi Bankın baza proqnoza görə, 2022-ci ildə illik inflyasiyanın 6.6-7.1% intervalında olacağı gözlənilir.

Xatırladaq ki, ötən il ölkədə qiymətlər orta hesabla 6,7 % artıb. Ötən il illik inflyaiya isə 12% təşkil edib.

15%-DƏN BAŞLAYAN KREDİTİ ONLAYN ƏLDƏ ET

“Report"

12.02.2022 13:03