Rusiya üçün "rahat olacaq" neftin qiyməti açıqlanıb

Rusiya üçün "rahat olacaq" neftin qiyməti açıqlanıb

Rusiya üçün "rahat olacaq" neftin qiyməti açıqlanıb

"2022-ci ildə neftin qiymətinin 65-80 dollar/barel olması Rusiya üçün rahat olacaq".

Marja xəbər verir ki, bunu çərşənbə günü müsahibəsində Rusiya baş nazirinin müavini Aleksandr Novak deyib.

"İndi neftin qiyməti təxminən 75 dollar/bareldir. Gələn il 65-80 dollar/barel qiyməti bizim üçün rahat olacaq. Mən qəsdən belə geniş diapazonu götürürəm, çünki bazarda volatillik istisna deyil. 2021-ci il dövlət büdcəmiz neftin qiyməti 43 dollar götürülərək proqnozlaşdırılıb. 2022-ci ilin büdcəsində isə neftin qiyməti 44,2 dollar götürülüb və sosial-iqtisadi inkişaf proqnozu daha yüksək qiymətləri nəzərdə tutur”, - deyə Novak bildirib.

Novak əlavə edib ki, "bazar sabit olub, bu il artan tələbat istehsalın bərpası ilə dəstəklənib".

"Biz gözləyirik ki, 2021-ci ildə ümumi tələbat gündə təxminən 4,5-5 milyon barel artacaq", - Baş nazirin müavini bildirib.

"Keçən ilin payızından sonra qlobal iqtisadiyyatda böyük canlanma baş verdi. İndi biz görürük ki, hətta koronavirusunun Delta və Omikron ştammlarının yayılması əhalinin hərəkətliliyinin azalmasına eyni təsiri göstərmir. Ölkələr pandemiyaya uyğunlaşdı və onlar daha azı “bağlanırlar”. Təbii ki, peyvənd də buna təsir edir - 195 ölkədə artıq milyardlarla dozada peyvənd tətbiq edilib”, - Novak bildirib.

Onun sözlərinə görə, davam edən pandemiyaya baxmayaraq, neft istehlakı artmaqda davam edir. "Bu, onu deməyə əsas verir ki, iqtisadiyyat bərpa olunmaqda davam edir. Artım gələn il də davam edəcək".

Rusiya 2030-cu ilin sonuna qədər neft hasilatını illik 550-560 milyon ton səviyyəsində saxlayacaq. Novak bildirib ki, daxili bazarla ixrac arasında bölgü bazarın vəziyyətindən asılı olacaq.

29.12.2021 11:17

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az