Azərbaycanda həyat sığortası 24%, qeyri-həyat sığortası isə 8% artıb

Azərbaycanda həyat sığortası 24%, qeyri-həyat sığortası isə 8% artıb

Azərbaycanda həyat sığortası 24%, qeyri-həyat sığortası isə 8% artıb

Bu ilin yanvar-noyabr aylarında Azərbaycanda həyat sığortası növlərinin hesabına 348 milyon 406 min manat sığorta haqqı toplanılıb.

Azərbaycan Mərkəzi Bankın statistikasına görə, bu, ötən ilin yanvar-noyabr ayları ilə müqayisədə 24% çoxdur.

Ötən 11 ayda qeyri-həyat sığortası növlərinin hesabına daxilolmalar isə 419 miylon 508 min manat təşkil edib. Bu isə illik müqayisədə 8,3% çoxdur.

Hesabat dövründə həyat sığortası növləri üzrə ödənişlər 6,9% azalaraq 229 miylon 904 min manata düşüb, qeyri-həyat sığortası növləri üzrə ödənişlər isə 38,4% artaraq 199 milyon 945 min manata çatıb.

Beləliklə, 2021-ci ilin yanvar-noyabr aylarında həyat sığortası bazarında toplanmış hər 100 manat sığorta haqqının 86,1 manatı, qeyri-həyat sığortası bazarında toplanmış hər 100 manat sığorta haqqının isə 47,7 manatı müştərilərə geri ödənilib. Bu rəqəmlər 2020-ci ilin yanvar-noyabr aylarında müvafiq olaraq 87,9 manat və 37,3 manat olub.

Azərbaycanda könüllü sığorta 15%, icbari sığorta isə 16% artıb

Bu ilin yanvar-noyabr aylarında Azərbaycanda könüllü sığorta növlərinin hesabına 528 milyon 899 min manat sığorta haqqı toplanılıb. Bu, ötən ilin yanvar-noyabr aylarına nisbətən 14,6% çoxdur.

Ötən 11 ayda icbari sığorta növləri hesabına daxilolmaların məbləği isə illik müqayisədə 15,7% artaraq 239 milyon 16 min manata çatıb.

Hesabat dövründə könüllü sığorta növləri isə ödənişlərin məbləği 319 milyon 739 min manat təşkil edib ki, bu da 1 il əvvələ nisbətən 2,5% azdır. İl ərzində icbari sığorta növləri üzrə ödənişlərin məbləği isə 73,7% artaraq 110 milyon 111 min manata çatıb.

Beləliklə, 2021-ci ilin yanvar-noyabr aylarında könüllü sığorta bazarından toplanmış hər 100 manat sığorta haqqının 60,45 manatı qədər ödəniş edilib. Bu rəqəm 2020-ci ilin yanvar-noyabr aylarında 71,1 manat olub. İl ərzində icbari sığorta bazarında hər 100 manat sığorta haqqına düşən ödənişin məbləği isə 30,7 manatdan 46,1 manata çatıb.

Telegramda Marja.az səhifəsinə abunə olun

24.12.2021 10:59

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az