Dünyanın ən sakit ölkələri açıqlanıb

Dünyanın ən sakit ölkələri açıqlanıb

İqtisadiyyat və Sülh İnstitutu, dünyadakı 163 ölkəni təhlükəsizlik və rahatlıq (xoşbəxtlik) baxımından sıralayıb.

VTB-də yüksək depozit faizləri daha çox qazandırır

"Marja" xəbər verir ki, cəmiyyətdəki təhlükəsizlik vəziyyəti, münaqişələr və militarizasiya dərəcəsinə görə hazırlanan siyahıda İslandiya 9 ildir ki, sahib olduğu birinciliyi qoruyur. 6 ildir müharibənin davam etdiyi Suriya yenə son sırada yer alıb.

Suriyada müharibənin başladığı 2011-ci ildən bu yana dünya miqyasında xoşbəxtlik səviyyəsi ilk dəfə artıb. Dünya miqyasında xoşbəxtlik səviyyəsi 0.28 faiz artıb, terror hücumlarında ötən illə müqayisədə baş verən azalmanın sülh səviyyəsində az da olsa artıma səbəb olduğu bildirilib.

AZƏRBAYCAN 132-Cİ YERDƏDİR

Azərbaycan siyahıda 2 pillə irəliləyərək 132-ci yerə qalxıb.Hesabatda Dağlıq Qarabağ münaqişəsinə, onun hələ də həll edilməməsinə, hərbi xərclərin artmasına diqqət çəkilib.

TÜRKİYƏ KOLUMBİYA İLƏ EYNİ SIRADA

Türkiyə bu il bir sıra geriləyərək Kolumbiya ilə birlikdə 146-ci sırada qalıb. Türkiyə həmçinin dünyada terror aktı nəticəsində ölümlərin ən çox artdığı ölkələr arasında yer alıb.

ABŞ-da cinayətlərin artmasına diqqət çəkilib. Avropa Birliyi ölkələri son dövrlər baş verən terror hücumlarına baxmayaraq, dünyanın ən sakit bölgəsi olaraq qalır. Tədqiqatda, Avropada terror hücumlarının təsirilə populizm yüksəldiyi, gəlir bərabərsizliyinin də ciddi dərəcədə artdığı qeyd olunub. Dünyanın ən narahat bölgələri də Afrika və Yaxın Şərq olub.

Qlobal Sülh İndeksi 2017 hesabatındakı ilk 10 ölkə: İslandiya, Yeni Zelandiya, Portuqaliya, Avstriya, Danimarka, Çexiya, Sloveniya, Kanada, İsveçrə, İrlandiya.

Son zamanlarda isə uzun illərdir qarşıdurmaların davam etdiyi Suriya, Əfqanıstan, İraq, Cənubi Sudan və Yəmən var.

http://visionofhumanity.org/app/uploads/2017/06/GPI-2017-Report-1.pdf

03.06.2017 07:21

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az