"2022-ci ildə neftin qiymətinin 60-80 dollar olacağını gözləyirəm"

"2022-ci ildə neftin qiymətinin 60-80 dollar olacağını gözləyirəm"

"2022-ci ildə neftin qiymətinin 60-80 dollar olacağını gözləyirəm"

Neft bazarı, hasilatı birgə tənzimləyən OPEC+ ölkələri arasında əldə olunan razılaşma sayəsində gələn il yüksək volatillikdən qorunacaq.

Marja.az xəbər verir ki, bunu “Lukoyl”un vitse-prezidenti Leonid Fedun “2050-ci ilə qədər dünya energetikasının inkişaf perspektivləri” adlı hesabatın təqdimatında deyib.

“Bu gün OPEC+ tarazlığı təmin edən alətdir”, - o deyib.

"Bununla belə, dünya ehtiyat qıtlığı təhlükəsi ilə üz-üzədir", - Fedun əlavə edib.

“Beş ildən sonra, bir sıra şirkətlərin səhmdarlarının təzyiqi altında kəşfiyyatı dayandırması səbəbindən ilk dəfə olaraq ehtiyatların bərpasının baş verməyəcəyini görəcəyik”, - deyə o bildirib. Eyni zamanda, Fedun xatırladıb ki, bu gün dünyada təxminən 5-7 milyon barel ehtiyatı dondurulub, ilk növbədə sanksiyalar altında olan İran ehtiyatları.

“Ona görə də, OPEC+ olmasaydı, qaz nümunəsində gördüyümüz kimi, dünya həddindən artıq qeyri-sabitlik vəziyyətində olardı. Ona görə də neftin qiymətinin həm istehlakçılar, həm də istehsalçılar üçün rahat olan diapazonda olacağını gözləyirəm. Bu, təxminən 60-80 dollar/barelə bərabərdir. Qısamüddətli sıçrayışlar mümkündür, lakin ümumilikdə bu göstərici gələn ildə də qorunub saxlanılacaq”, - deyə o, yekunlaşdırıb.

Həmçinin Fedun bildirib ki, “Lukoyl” dünya bazarında 2% karbohidrogen istehsalçısı mövqeyini qoruyub saxlamağı və onların hasilatını ildə 1,4-1,5% artırmağı planlaşdırır.

“Lukoyl bu gün dünya karbohidrogenlərinin təxminən 2%-ni istehsal edir. Və biz bu mövqeni qoruyub saxlamaq niyyətindəyik. Strategiyamızda növbəti 10 il ərzində hasilatı ildə təxminən 1,4-1,5% artırmağı nəzərdə tuturuq”, - deyə o bildirib.

Eyni zamanda, Fedun qeyd edib ki, neft və qaz sənayesinə bu gün əlavə sərmayə qoyulmur.

17.12.2021 14:29

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az