Audiovizual media subyektləri müəyyənləşib. Bu, “Media haqqında” yeni qanun layihəsində əksini tapıb.

Layihəyə əsasən, audiovizual media subyektləri aşağıdakılardır:

Yerüstü yayımçı:

1. ümumölkə yerüstü televiziya yayımçısı;

2. regional yerüstü televiziya yayımçısı;

3. ümumölkə yerüstü radio yayımçısı;

4. regional yerüstü radio yayımçısı;

Platforma yayımçısı:

1. peyk yayımı həyata keçirən platforma yayımçısı;

2. peyk yayımı həyata keçirməyən platforma yayımçısı;

Platforma operatoru:

1. sadə platforma operatoru;

2. universal platforma operatoru;

4. multipleks operatoru;

5. infrastruktur operatoru;

6. sifarişli yayım xidməti provayderi.

Audiovizual media subyektləri üçün verilən lisenziyalar açıqlanıb

Azərbaycanda audiovizual media subyektləri üçün verilən lisenziyalar məlum olub.

Bu, “Media haqqında” yeni qanun layihəsində əksini tapıb.

Layihəyə əsasən, yerüstü yayımçılara aşağıdakı lisenziyalar verilir:

1. ümumölkə yerüstü televiziya yayımçısı lisenziyası;

2. regional yerüstü televiziya yayımçısı lisenziyası;

3. ümumölkə yerüstü radio yayımçısı lisenziyası;

4. regional yerüstü radio yayımçısı lisenziyası.

Platforma yayımçılarına aşağıdakı lisenziyalar verilir:

1. peyk yayımı həyata keçirən platforma yayımçısı lisenziyası;

2. peyk yayımı həyata keçirməyən platforma yayımçısı lisenziyası.

Sifarişli yayım xidməti provayderinə sifarişli yayım xidməti provayderi lisenziyası verilir.

Platforma operatorlarına aşağıdakı lisenziyalar verilir:

1. sadə platforma operatoru lisenziyası;

2. universal platforma operatoru lisenziyası.

Multipleks operatoruna multipleks operatoru lisenziyası verilir.

Azərbaycanda Audiovizual Şura yaradılacaq

Azərbaycanda Audiovizual Şura yaradılacaq. Bu, “Media haqqında” yeni qanun layihəsində əksini tapıb.

Layihədə qeyd edilib ki, Azərbaycanda audiovizual media sahəsində tənzimləməni Şura həyata keçirir. Şuranın fəaliyyəti dövlət büdcəsi və qanunla qadağan olunmayan digər mənbələr hesabına maliyyələşdirilir.

Şura müstəqil balansa, “Azərbaycan Respublikasının Dövlət Gerbindən istifadə qaydaları haqqında” qanuna uyğun olaraq, həmçinin Azərbaycan Respublikasının Dövlət Gerbinin təsviri və öz adı əks olunmuş möhürə, müvafiq ştamplara, blanklara və bank hesablarına malikdir.

Şuranın fəaliyyət istiqamətləri isə aşağıdakılardır:

1. audiovizual media sahəsində tənzimləməni və qüvvədə olan normativ hüquqi aktlara əməl edilməsinə nəzarəti həyata keçirmək;

2. audiovizual media sahəsində dövlət siyasətinin formalaşmasında iştirak etmək və bu siyasətin həyata keçirilməsini təmin etmək.

3. bu qanunla müəyyən edilən digər istiqamətlərdə fəaliyyət göstərmək.

Sənəddə qeyd edilib ki, Şura sədr də daxil olmaqla 7 (yeddi) üzvdən ibarət tərkibdə fəaliyyət göstərir.

Şuranın üzvləri müvafiq icra hakimiyyəti orqanının müəyyən etdiyi orqan (qurum) tərəfindən vəzifəyə təyin və vəzifədən azad edilirlər.

Üzvlərin səlahiyyət müddəti 5 (beş) ildir. Eyni şəxs ardıcıl olaraq iki dəfədən artıq Şuranın üzvü ola bilməz.