Ukrayna Milli Bankı faizini artırdı

Ukrayna Milli Bank uçot dərəcəsini illik 8,5%-dən 9%-ə qaldırmaq qərarına gəlib.

Marja.az xəbər verir ki, bu barədə cümə axşamı keçirdiyi brifinqdə maliyyə tənzimləyicisi rəhbərinin müavini Sergey Nikolayçuk bildirib.

VTB-də yüksək depozit faizləri daha çox qazandırır

“Ukrayna Milli Bankının İdarə Heyəti uçot dərəcəsinin illik 8,5%-dən 9%-ə qaldırılması barədə qərar qəbul edib",- o deyib.

Nikolayçuk izah edib ki, bu qərar əlavə inflyasiya risklərinin təsirini bərabərləşdirmək, inflyasiya gözləntilərini yaxşılaşdırmaq və inflyasiyanın 5%-ə qədər davamlı enişini təmin etmək məqsədi daşıyır.

O, ölkədə inflyasiya artımının pik nöqtəsinin keçdiyini, lakin inflyasiyanın əvvəllər gözlənildiyindən daha yavaş azaldığını vurğulayıb.

Milli Bankın nümayəndəsinin sözlərinə görə, oktyabrda istehlak qiymətlərində artım illik ifadədə 10,9% təşkil edib.

O, investisiya qərarlarının təxirə salınmasına təsir göstərə bilən inflyasiya gözləntilərinin pisləşməsinə səbəb olan amil kimi “hərbi münaqişənin eskalasiyası ilə bağlı əhəmiyyətli qeyri-müəyyənliyi” göstərib və bu, iqtisadi canlanmanı məhdudlaşdırır.

Nikolayçuk əlavə edib ki, qazın yüksək qiymətinin əvvəllər nəzərdə tutulduğundan daha uzun müddət davam etməsi geosiyasi riskdir.

“Dünyada ərzağın qiymətinin daha da artması riski aktual olaraq qalır”, - o əlavə edib.

Bu il martın 5-də Ukrayna Milli Bankı 2019-cu ilin aprelindən bəri ilk dəfə uçot dərəcəsini illik 6%-dən 6,5%-ə qaldırıb. Sonra tənzimləyici aprelin 16-da onu 7,5%-ə, iyulun 23-də 8%-ə, sentyabrın 10-da 8,5%-ə çatdırıb.

Uçot dərəcəsi pul alətlərindən biridir ki, onun köməyi ilə Milli Bank cəlb edilmiş və yerləşdirilən vəsaitlərin dəyəri baxımından banklar və pul bazarının digər subyektləri üçün etalon müəyyən edir. Uçot dərəcəsinin azalması, adətən bank kreditlərinin faizinin azalmasına səbəb olur.

09.12.2021 18:27

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az