Tədavülə çıxanda 130 dollara, bugün isə 20 dollara bərabərdir

Tədavülə çıxanda 130 dollara, bugün isə 20 dollara bərabərdir

Məzənnədəki sürətli artım ilə Türkiyənin ən böyük kağız pulu olan 200 TL-nin alıcılıq qabiliyyəti kəskin azalıb. Tədavülə çıxdığı 1 Yanvar 2009-cu ildə 130 dollara qarşılıq gələn 200 TL-lik banknotun bugünki dollar qarşılığı 20 dollardır.

Tədavülə çıxanda 130 dollara, bugün isə 20 dollara bərabərdir

İlk çıxdığı tarixdə 200 TL-lik banknotu yastığının altında saxlayanlar o gündən bu günə 110 dollar itiriblər. O gün pulunu dollara yatıranların 200 lirəsi isə bu gün 1289 lirəyə çatıb.

Marja xəbər verir ki, Türkiyə hökumətinin milli puldan 6 sıfır atma əməliyyatının ardından 1 Yanvar 2009-cu il tarixində YTL-dən TL-yə keçmiş və 200 TL-lik banknotları tədavülə buraxmışdı. Böyük məbləğli əməliyyatlarda istifadə edilməsi üçün 200 TL-nin ilk tədavülə çıxarıldığı gün 1 dollar 1,5367 lirə səviyyəsində idi. Ancaq aradan keçən təxminən 13 ildə dolların məzənnəsi sürətlə artaraq bu gün 9,98 lirəni görüb. Türkiyə Mərkəzi Bankının (TCMB) rəsmi məzənnəsi 9,9170 lirə olaraq açıqlanıb. TCMB məzənnəsilə belə, 200 TL ilə ancaq 20 dollar 17 sent alına bilir.

Təxminən 13 il əvvəl yalnız 1 ədəd 200 TL-lik banknotla ala bildiyimiz 130 dolları bu gün ala bilmək üçün 5 ədəd 200-lük, 2 ədəd 100-lük, 1 ədəd 50-lik, bir ədəd 20-lik, 1 ədəd 10-luq, 1 ədəd 5-lik banknotların və 4 ədəd 1 lirəlik dəmir pulların (cəmi 1289 lirə) olması lazımdır.

65 KİLO ÇÖRƏK, 66 KİLO MAKARON

İlk tədavülə çıxdığında 200 lirəylə 125 kilo un, 94 kilo çörək, 93 kilo makaron, 14.3 kilo quzu əti, 18 kilo ağ pendir, 833 ədəd yumurta ya da 39 kilo günəbaxan yağı alına bilirdi. Bu gün isə 34 kilo un, 28 kilo çörək, 26 kilo makaron, 2.8 kilo quzu əti, 6 kilo ağ pendir, 192 ədəd yumurta ya da 10 kilo günəbaxan yağı alına bilir. Təxminən 13 ildə 200 lirənin alış gücü 91 kilo un, 65 kilo çörək qədər "əriyib".

Həmçinin oxu

Dollar 10 türk lirəsinə daha da yaxınlaşdı

12.11.2021 11:12

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az