Coca-Cola şirkətinin dəstəyi ilə 26-29 oktyabr tarixlərində təşkil edilən və Nobel mükafatı laureatlarının mühazirələri ilə yadda qalan beynəlxalq Nobel Festivalında Azərbaycan tələbə və müəllimləri iştirak ediblər.

Dünyanın bir sıra tanınmış elm xadimləri, Nobel mükafatçılarının və qlobal şirkətlərin rəhbərlərinin qatıldığı "Gələcək artıq bu gündür" adı altında keçirilən beynəlxalq Nobel Fest Orta Asiya və Qafqaz regionunun ən böyük elmi simpoziumudur.

London İqitsadiyyat Məktəbi, Massaçüsets Texnologiya İnsititutu, Stenford, Kaliforniya və Nyu-York Universititetləri kimi tanınmış ali məktəblərin müəllimləri “Yaşıl reallıq”, “Təhsil və gələcəyin peşələri”, “İnnovasiyalar əsri”, “İnsanlar üçün iqtisadiyyat” mövzularını əhatə edən mühazirələrlə çıxış ediblər.

Pol Milqrom, Maykl Spens, Rae Kvan Çunq, Təvəkkül Karman kimi Nobel Mükafatçılarının iştirak etdiyi tədbirdə 4 gün ərzində onlayn rejimdə 25 müxtəlif seminar və müzakirə təşkil edilib. Tədbirdə regionun 150-dən artıq ali təhsil müəssisəsi təmsil olunub.  

Festivalın qonaqları sırasında "Sapiens: İnsanlığın Qısa Tarixi" kitabının müəllifi, tarixçi Yuval Noa Harari, “Apple Siri” nin yaradıcısı və “Renault Group”un baş mühəndisi Lük Culiya, İsrailin startaplar mütəxəssisi Conatan Medved, kriptovalyutalar üzrə tanınan mütəxəssis Qarik Xilleman da var.

Coca-Cola şirkəti və Azərbaycan Respubikası Təhsil Nazirliyinin “SABAH qrupları” proqramının əməkdaşlığı ilə baş tutan elmi tədbirdə Azərbaycanın 12 ali məktəbindən 1200-dən artıq tələbə, müəllim və professor heyəti iştirak edib.

Coca-Cola şirkətinin Orta Asiya və Qafqaz regionü üzrə İctimaiyyətlə Əlaqələr və Kommunikasiya Direktoru Elşad Fərzəliyev tədbirin gənclər üçün xüsusi maraq kəsb etdiyini qeyd edib.

“Regionun ən iri investorlarından olan Coca-Cola şirkəti gənclərin inkişafına xüsusi önəm verir. 2020-ci ildə ilk dəfə Qazaxstanda keçirilən Nobel Festivalı bu il Coca-Cola şirkətinin təşəbbüsü ilə regional elmi-simpoziuma çevrilib və nəticədə Azərbaycan gəncləri də dünya elm ulduzları ilə tanış olmaq fürsəti əldə ediblər. Əminəm ki, elm sahəsində dünya liderlərinin mühazirələrini dinləmək və onlarla ünsiyyət imkanı gənc tələbə və alimlərimiz üçün əvəzsiz təcrübə və stimul olacaq. Ümid edirik ki, növbəti illərdə dünyanın görkəmli elm xadimlərini Azərbaycana dəvət edib onları ölkəmizin tələbələri və elm ictimaiyyəti ilə yaxından tanış edə biləcəyik” – şirkətin nümayəndəsi bildirib.

Orta Asiya və Nobel Festivalında elm xadimləri ilə birgə Coca-Cola, Microsoft, Google  kimi beynəlxalq korporasiyaların rəhbər heyəti də iştirak edir.  Tədbir haqqında məlumat və mühazirələri dinləmək üçün bu linkə keçid edin: https://nobel-fest.inpolicy.net/ .