Putin inflyasiyaya "resept" tapmaq üçün hökumətə bir həftə vaxt verdi

Putin inflyasiyaya "resept" tapmaq üçün hökumətə bir həftə vaxt verdi

Putin inflyasiyaya "resept" tapmaq üçün hökumətə bir həftə vaxt verdi

Rusiya hökuməti Avropa Birliyində enerji və qaz böhranının Rusiya iqtisadiyyatı üçün mənfi nəticələrinin risklərini neytrallaşdıracaq tədbirlər kompleksini tez bir zamanda hazırlamalıdır.

Marja Kremlin mətbuat xidmətinin yaydığı məlumata istinadən xəbər verir ki, Rusiya prezidenti Vladimir Putin ötən həftə Nazirlər Kabineti ilə görüşdən sonra belə bir sərəncam verib.

Noyabrın 1-nə bir həftə qalmış, məmurlar, “azot gübrələri, metallurgiya məhsulları və ərzaq məhsulları bazarlarının qeyri-sabitləşməsinin” Rusiyaya mənfi təsirinin qarşısını necə almağı tapmalıdırlar.

Oktyabrın 20-də baş nazirin müavini Aleksandr Novak Putinə bildirib ki, təbii qaz qiymətlərin min kubmetr üçün 1000 dollardan yuxarı möhkəmləndiyi Avropa qaz bazarındakı xaos inflyasiyanın yeni mərhələsi təhdidini yaradır.

O, gübrə bazarında ciddi bir böhran yarandığını söyləyib: Avropada yüksək qaz qiymətlərinə görə gübrə istehsalı yarıbayarı azaldılıb, bu da azotlu gübrələrin qiymətlərinin iki dəfə artmasına səbəb olub.

"Həm qiymət artımı, həm də gübrə istehsalının azalması nəticəsində biz kənd təsərrüfatı məhsullarının qiymətlərində yeni artım risklərini görürük", - Novak bildirib.

“Əgər qazdan alınan gübrələrin qiyməti artmaqda davam edərsə, o zaman istehsalçılarımız baha qiymətə satmağa meyllənəcəklər. Biz bunu sənayelərdə baş verən son hadisələrdən bilirik”, - deyə Putin baş nazirin müavini ilə razılaşıb.

Onun sözlərinə görə, tədbirlər kompleksi yerli kənd təsərrüfatı istehsalçılarının "maraqlarını təmin etməli" və "ərzaq qiymətlərinin artımını cilovlamalıdır".

Rosstat-ın məlumatına görə, Rusiyada inflyasiya illik 7,78%-ə qədər sürətlənib və ardıcıl doqquzuncu dəfə 2016-cı ilin fevralından bəri maksimumu yeniləyib.

25.10.2021 16:14

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az