“Tarif dəyişməsi hansısa müəssisənin gəlirlərinin artırılması üçün hesablanmır”

“Tarif dəyişməsi hansısa müəssisənin gəlirlərinin artırılması üçün hesablanmır”

“Tarif dəyişməsi hansısa müəssisənin gəlirlərinin artırılması üçün hesablanmır”

"Tarif dəyişməsi ümumilikdə “Azəriqaz”ın pərakəndə satışında baş verməyib. Bu, topdan satış qiymətlərində baş verib".

Bunu Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin Baş direktoru Ruslan Əliyev bu gün media nümayəndələri üçün keçirilən “Açıq qapı” aksiyasında bildirib.

Onun sözlərinə görə, tariflərin dəyişməsi hansısa müəssisənin gəlirlərinin artırılması üçün hesablanmır: “Tarif elə seçilir ki, burada vətəndaşa daha çox ziyan dəyməsin. Həmin tarifdə istehsalat müəssisələrinin xərclərinin hamısının minimuma endirilməsi nəzərə alınır. Minimum xərclərlə minimum tarifə baxılır ki, vətəndaş tarif dəyişikliyindən çox əziyyət çəkməsin. Bütün bunların hamısı hesablanır”.

R. Əliyev bildirib ki, burada hər hansı müəssisəsnin gəlirə çıxması və ya gəlirinin artmasından söhbət getmir: “Ancaq bu xərclər də elə formada olmalıdır ki, burada həm neft-qaz çıxaran müəssisələr, həm pərakəndə satışı həyata keçirən müəssisələr bu şəbəkəni saxlaya və idarə edə bilsinlər”.

O qeyd edib ki, bu gün təkcə “Azəriqaz” İstehsalat Birliyinin 72 min kilometr boru kəməri var: “2 milyon 400 min abonenti mövcuddur. Bu gün Azərbaycanda təbii qazın dəyərindən başqa bütün xidmətlər ödənişsizdir. İstənilən vaxtı abonent zəng edərək qaz avadanlığına, sayğaca baxılmasını, sızmanın aradan qaldırılmasını, xəttin və ya boru kəmərinin dəyişdirilməsini ödənişsiz həyata keçirə bilər.

Texniki şərtin verilməsi, hətta yeni tikilən binalarda da sayğacların quraşdırılması ödənişsiz olub. Bir daha deyim ki, qazın dəyəri istisna olmaqla, bütün bunlar xidməti ödənişdir. Tarif dəyişikliyinə baxılarkən də həmin xərclər ildən ilə minimumlaşır ki, bu tarif artımında vətəndaşın və əhalinin üzərinə daha çox yük düşməsin”.

Telegramda Marja.az səhifəsinə abunə olun

“Report”

22.10.2021 15:05