TIR sürücülərinin sayı sürətlə azalır - BU ŞİRKƏT HƏR SÜRÜCÜYƏ 8 MİN DOLLAR BİRDƏFƏLİK BONUS VERİR

TIR sürücülərinin sayı sürətlə azalır - BU ŞİRKƏT HƏR SÜRÜCÜYƏ 8 MİN DOLLAR BİRDƏFƏLİK BONUS VERİR

Qlobal miqyasda TIR sürücülərinin sayı sürətlə azalır. Təkcə ABŞ-da 30 min, Britaniyada 100 min sürücü yeri boşdur...

TIR sürücülərinin sayı sürətlə azalır - BU ŞİRKƏT HƏR SÜRÜCÜYƏ 8 MİN DOLLAR BİRDƏFƏLİK BONUS VERİR

Qlobal iqtisadiyyat pandemiyadan sonra bu il canlansa da, təchizat problemləri sürətlə artan tələbatı ödəməyə imkan vermir.

Marja xəbər verir ki, səbəblərdən biri də regional və beynəlxalq tranzit daşımalarda ən çox istifadə olunan vasitələr - iritutumlu yük maşınlarının (TIR) sürücülərinin sayının sürətlə azalmasıdır.

VTB-də minimal faiz dərəcəsi ilə nağd kredit 10.49%-dən

Amerika Yük maşınları Assosiasiyasının məlumatına görə, 2020-ci ilin əvvəlində təkcə ümumi yükdaşımaları həyata keçirən sürücü sayı 465 min nəfər idisə, bu il həmin rəqəm 430 minə qədər azalıb. Böyük Britaniyada isə hazırda 100 min sürücü çatışmır. Bu rəqəmə həm Brexit-dən sonra digər Avropa ölkələrindən olan sürücülərin ölkəni tərk etməsi, həm də koronavirus pandemiyasına görə giriş-çıxış məhdudiyyətlərinin sərtləşdirilməsi təsir edib.

Beynəlxalq Sertifikatlı Logistika və Nəqliyyat İnstitutu bildirir ki, Avstraliya və Mərkəzi Asiyada iri yükdaşıyıcılarda sürücü çatışmazlığı 20% təşkil edir.

Hələlik sürücü sayında problem olmayan yeganə region Afrikadır.

İri şirkətlər problemi həll etmək üçün sürücülərə daha cəlbedici şərtlər təklif etməyə başlayıb. ABŞ-ın ən iri supermarket şəbəkəsi Walmart yeni işə götürülən hər sürücüyə 8 min dollar birdəfəlik bonus verir.

İngiltərədə isə John Lewis sürücülərin əmək haqqını il ərzində 5 min funt artırmağa söz verib. Hazırda TIR sürücülərinin orta illik əmək haqqı 37 min funta qədərdir.

Lakin problemin qısa müddətdə həll olunması real görünmür. Bu isə dəniz nəqliyyatındakı ləngimələrlə birlikdə əksər məhsullarda qiymət artımının uznmüddətli olacağını göstərir...

30.08.2021 09:36

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az