Bayden hamını toplayır - Zuckerbergdən başqa...

Bayden hamını toplayır - Zuckerbergdən başqa...

Kiberhücumlardan və hakerlərin çıxardığı “hoqqalardan” danışacaq...

Bayden hamını toplayır - Zuckerbergdən başqa...

Bu gün ABŞ prezidenti Cozef Bayden Ağ Evdə bir sıra iri amerikan şirkətlərinin rəhbərlərini qəbul edəcək.

Marja xəbər verir ki, texnologiya, maliyyə xidmətləri, enerji və su, sığorta və təhsil sahələrini təmsil edən şirkətlərlə görüşdə əsas müzakirə mövzusu kibertəhlükəsizlik və haker hücumlarına qarşı mübarizədir.

Amazon, Apple, Google, Microsoft, IBM, JP Morgan, Bank of America kimi nəhənglərin, eləcə də ölkənin əsas kommunal xidmət şirkətlərinin rəhbərlərinin qatıldığı (naməlum səbəblərdən Facebook-un adı siyahıda yoxdur) tədbir üç sessiyada aparılacaq.

“Mühüm infrastrukturun dayanıqlılığı”adlı panelə ABŞ Daxili Təhlükəsizlik Departamentinin rəhbəri Alexandro Majorkas və enerji naziri Cennifer Granholm sədrlik edəcək.

“Güclü kibertəhlükəsizliyin qurulması” adlı sessiya Ticarət və Kommersiya Nazirliyinin rəhbərliyi ilə keçiriləcək. Sonuncu sessiya isə “Kibertəhlükəsizlik üzrə işçi qüvvəsi”adlanır və Milli Kibertəhlükəsizlik Agentliyinin direktoru Kris İnqlisin sədrliyi ilə təşkil olunacaq.

Bütövlükdə görüşün məqsədi ABŞ iqtisadiyyatı üçün həyati əhəmiyyətə malik şirkətlərlə kiberhücumların əsas səbəblərinin müzakirəsi və daha ciddi tədbirlərin görülməsi ilə bağlı konkret təkliflərin səsləndirilməsidir. Hazırkı statistika ölkədə kibertəhlükəsizliklə bağlı 500 min iş yerinin boş olduğunu bildirir.

Son aylarda baş verən ardıcıl haker hücumları, xüsusən də hökumət orqanlarının sistemlərinə sızmalar və ən iri yanacaq boru kəməri olan Colonial Pipeline-nın bir neçə gün iflis olması Bayden administrasiyasını daha ciddi addımlar atmağa məcbur edib.

kibertəhlükəsizlik haker hücum Amazon Apple Google Microsoft IBM JP Morgan Bank of America

25.08.2021 15:16

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az