(®️) Technol şirkəti 24-26 iyun tarixlərində Qazaxıstanın paytaxtı Nur-Sultan şəhərində keçirilmiş beynəlxalq Avtomexanika sərgisində uğurla iştirak edib. Avtomobil ehtiyat hissələri, avadanlıq və texniki xidmət məhsullarının istehsalçı və təchizatçılarının qatıldığı sərgidə Technol şirkəti istehsalını həyata keçirdiyi geniş məhsul çeşidini nümayiş etdirib.

Sərgi zamanı, Technol şirkətinin məhsulları istehsal, topdan və pərakəndə ticarət sahəsini təmsil edən bir çox sərgi ziyarətçisinin marağına səbəb olub. Şirkətin nümayəndə heyəti beynəlxalq əməkdaşlıqların qurulması, xarici bazarlara ixrac imkanlarının dəyərləndirilməsi məqsədilə sərgi iştirakçıları ilə danışıqlar aparıb, onlara Technol markası, zavodun istehsal gücü, tərəfdaş olduğu xammal təchizatçıları, istehsal etdiyi məhsullar, istehsalda tətbiq olunan texnologiya, zavodun beynəlxalq səviyyədə qurulmuş laboratoriyası və ixrac imkanları haqqında geniş məlumat veriblər.

Qısa müddət ərzində müştərilərin etimad və rəğbətini qazanan Technol şirkətinin istehsal etdiyi keyfiyyətli məhsullar daxili bazarın tələbatını ödəməklə yanaşı, xarici bazarların tələbatını qarşılamaq üçün bu gün 10-a yaxın ölkəyə ixrac olunur.

İllik 50 min ton istehsal gücünə malik Technol şirkətində istehsal prosesinin təşkili məqsədilə Alman istehsalı olan avadanlıqlar quraşdırılıb, istehsal prosesinin tam avtomatlaşdırılması həyata keçirilib. Amerika Birləşmiş Ştatları, Böyük Britaniya, Almaniya və Yaponiyanın tanınmış firmalarının müasir ciahazları ilə təchiz edilən şirkət, yağların geniş səpkidə dəqiq analizi üçün beynəlxalq akkreditasiyadan keçmiş (ISO17025: 2017) müasir laboratoriyaya malikdir.

Technol şirkətində bütün mühərrik və sənaye yağları Infineum, Chevron, Afton kimi nüfuzlu təchizatçıların yüksək keyfiyyətli qatqılarından istifadə edilməklə Amerika Neft İnstitutunun (API), Avropa Avtomobil İstehsalçıları Assosiasiyasının (ACEA) standartlarına müvafiq qaydada isehsal edilir, Amerika Test və Materiallar Cəmiyyətinin (ASTM) tələbləri əsasında sınaqdan keçirilir. Şirkət, istehsal etdiyi bəzi mühərrik yağ çeşidləri üzrə Mercedes-Benz və Cummins şirkətlərinin təsdiqlərini əldə edib, Amerika Neft İnsitutunun (API) müvafiq sertifikatı ilə təltif olunub. İstehsal edilən bütün məhsulların müştəri tələbatına və qanunvericiliyin tələblərinə cavab verməsi üçün şirkətdə ISO 9001 2015 standartı tətbiq olunub. Bundan başqa şirkətdə ətraf mühitin idarə edilməsi üzrə ISO 14001: 2015, peşə sağlamlığı və təhlükəsizliyinin idarə edilməsi üzrə ISO 45001: 2008 beynəlxalq standartları tətbiq olunub.