İngilis futbolunun tarixində rekord maliyyə zərəri...

İngilis futbolunun tarixində rekord maliyyə zərəri...

Everton və Mançester Siti ən çox ziyana düşənlərdir.

İngilis futbolunun tarixində rekord maliyyə zərəri...

Futbol üzrə İngiltərə Premyer Liqası koronavirus pandemiyasının çökdürdüyü ən iri idman sahələrindən biridir.

Marja xəbər verir ki, qlobal audit şirkəti Deloitte-nin yoxlamaları ingilis futbolunun tarixində ən iri zərəri aşkara çıxarıb. Belə ki, 2019-2020-ci futbol mövsümündə 20 klubun vergi öhdəliklərindən öncəki toplam maliyyə zərəri 1 milyard funt-sterlinqə (1,4 milyard dollara) çatıb. Bu göstərici əvvəlki mövsümün zərərindən beşqat artıq olub.

VTB-də yüksək depozit faizləri daha çox qazandırır

Gəlirlər 13% azalaraq, 4,5 milyard funt-sterlinq (6,3 milyard dollar) təşkil edib. 2020-ci ilin martında Premyer Liqanın karantin səbəbindən 3 ay təxirə salınması və stadionların düz 1 ildən çox azarkeşsiz qalması klubları telekanalların və yayım şirkətlərinin ödədiyi gəlirlərdən məhrum edib. Yalnız bu ilin mayında matçların azarkeşlər önündə keçirilməsinə icazə verilib.

Deloitte zərərin klublar üzrə bölgüsünü ayrılıqda göstərməsə də, Financial Times-in analitikləri əmtəə treyderi Farhad Moshirinin sahibi olduğu Evertonun (140 milyon funt zərər) və çempion, Abu-Dabi əmirlərinin klubu Mançester Sitinin (125 milyon funt) ən çox ziyan çəkənlər olduğunu hesablayıb.

Deloitte-nin idman biznesi qrupunun rəhbəri Den Cons bu mövsümdən gəlirlərin bərpa olunduğunu, lakin pandemiyadan əvvəlki səviyyəyə yalnız gələn mövsümün sonunda çatmağın mümkün olacağını bildirib.

Avropanın ən iri futbol klubları hələ də pandemiyanın təsirindən özünə gəlməyib. İspan nəhəngi Barselona 2019-2020-ci il mövsümündə vergidən öncəki zərəri 128 milyon avro (155 milyon dollar) təşkil edib, onun əsas rəqibi Real Madridin daha öncəki mövsümdə 53,5 milyon avro (64,8 milyon avro) təşkil edən mənfəəti 1,9 milyon avroya (2,3 milyon dollar) qədər azalıb. İtaliyanın ən titullu klublarından olan Yuventus vergidən öncəki zərərinin 81,7 milyon avro (99 milyon dollar) olduğunu bildirib.

15.06.2021 12:54

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az