Honq Konqda əhalini inflyasiyadan qorumaq üçün hazırlanmış xüsusi istiqraz populyarlaşır

Honq Konqda əhalini inflyasiyadan qorumaq üçün hazırlanmış xüsusi istiqraz populyarlaşır

Honq Konqda əhalini inflyasiyadan qorumaq üçün hazırlanmış xüsusi istiqraz populyarlaşır

Honq Konqda əhalini inflyasiyadan qorumaq üçün hazırlanmış xüsusi istiqraz olan iBonds-ın son turunda investorlardan 7 milyard dollar tələb qəbul edilib. Marja xəbər verir ki, bu barədə şənbə günü "South China Morning Post" yazıb.

İstiqrazların yerləşdirilməsi 23 iyun tarixinə planlaşdırılır.

“İndiyədək iBonds-ların yerləşdirilməsilə rekord sayda investor və pul cəlb edilib. Bir çox müştərinin istiqraz almaq üçün şirkətimizdə yeni hesablar açdığını görürük. Çox populyar bir maliyyə məhsulu oldu" - yerli broker şirkətlərindən birinin direktoru deyib.

Honq Konq Pul İdarəsinə görə (Mərkəzi Bankın funksiyalarını yerinə yetirir), indiyədək istiqraz buraxılışı ilə 717 min özəl investoru cəlb edilib.

Başlanğıcda 15 milyard Honq Konq dolları (1,93 milyard dollar) həcmində bu cür qiymətli kağızların buraxılması planlaşdırılırdı, lakin yüksək tələb nəzərə alınaraq emissiyanın 20 milyard Honq Konq dollarına (2,6 milyard dollar) çatdırılmasına qərar verilib. İstiqrazların müddəti üç ildir. Faizlər hər altı ayda bir inflyasiya səviyyəsindən asılı olaraq və ən azı 2% zəmanət veriləcək dərəcədə ödəniləcəkdir.

Mütəxəssislər bu maliyyə məhsulunun əhalinin yüksələn qiymətlərinin öhdəsindən gəlməsinə, bazarda qeyri-sabitlik, risklərin artması və dəyişkənlik mühitində təhlükəsiz investisiyalar təmin edəcəyinə diqqət çəkirlər.

İBondlar populyardır, çünki istehlakçı qiymətləri yüksəlirsə, minimum 2 faiz gəlir təmin edir. Bu gəlirlər hazırda çox cəlbedicidir, çünki bir çox ənənəvi əmanət məhsulundan daha yüksək minimum ödəmə təklif edilir. Koronavirus pandemiyasına məruz qalan iqtisadiyyatları stimullaşdırmaq üçün dünyanın mərkəzi bankları faizləri tarixi ən aşağı səviyyədə saxlayırlar.

12.06.2021 13:53

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az