Qlobal plastik istehsal son 12 ildə ilk dəfə 2020-də azalıb

Qlobal plastik istehsal son 12 ildə ilk dəfə 2020-də azalıb

Qlobal plastik istehsal son 12 ildə ilk dəfə 2020-də azalıb

Qlobal plastik istehsalı 2020-ci ildə II Dünya Müharibəsindən bu yana üçüncü dəfə koronavirus pandemiyası səbəbiylə azalıb, lakin əhəmiyyətli deyil.

Marja xəbər verir ki, "PlasticsEurope" sənaye federasiyasına görə, 0,3% azalma ilə dünya plastik istehsalı 2019-cu ildəki 368 milyon tondan keçən il 367 milyon tona düşüb. Təşkilata görə, Avropada plastik istehsal keçən il 5,1% azalaraq 55 milyon tona geriləyib. "PlasticsEurope" qeyd edir ki, Çində plastik istehsalı 1% artıb və bu gün də artmaqda davam edir.

Sənayenin ən böyük istehlakçılarından biri avtomobil sektorudur.Federasiya Avropa avtomobil sektorunda plastik istehlakının 2020-ci ildə 18% azaldığını təxmin edir.

İlk dəfə neft böhranı nəticəsində 1973-cü ildə, ikinci dəfə isə 2008 maliyyə böhranından sonra plastik istehsalında azalma qeydə alınıb. Beləliklə, istehsalda mövcud azalma son 12 ildə ilk dəfə baş verir.

Eyni zamanda, Qərb ölkələri plastik istehsalını davamlı olaraq azaltmağa davam edirlər - əgər 2010-cu ildə AB ölkələri, Böyük Britaniya və İsveçrə dünyadakı ümumi plastik həcminin 21% -ni təşkil edirdisə, 2020-ci ildə bu rəqəm 15% -ə düşüb.

11.06.2021 13:12