ABŞ-ın Əmək Statistikası Bürosu cari ilin may ayı üzrə istehlak qiymətləri indeksini (İQ) açıqlayıb.

Marja xəbər verir ki, özündə ərzaq, enerji, qida məhsulları, ev xərcləri, və bir sıra mallar üzrə satışları cəmləşdirən istehlak səbətinin inflyasiya dərəcəsi aylıq göstəricidə 0,6%, ötən ilin müvafiq dövrü ilə müqayisədə 5% artıb. Bu isə, 2008-ci ilin avqustundan (5,4%) bəri ən yüksək göstəricidir.

Dow Jones-un keçirdiyi sorğuda analitiklər 4,7% bahalaşma proqnozlaşdırırdılar.

Ərzaq və enerji qiymətləri çıxılmaqla bütün elementlər üzrə indeks may ayında 0,7%, son 12 ayın nəticələrinə əsasən isə 3,8% artıb. Bu göstərici də 1992-ci ildən bəri qeydə alınan ən yüksək rəqəmdir.

İstifadə olunan avtomobil və yük maşınlarının qiyməti aylıq 7,3%, illik 29,7% bahalaşıb. Ən çox artım benzin qiymətlərində olub - son bir ildə 56,2%. Ərzaq qiymətləri isə nisbətən sabit qalıb - inflyasiya mayda 0,4%, illik 2,2% artıb.

Digər açıqlanan göstərici işsizliklə bağlıdır. İyunun ilk həftəsində işsizlik müavinəti üzrə ərizələrin sayı 376 min təşkil edib və proqnozu (370 min) üstələyib.

Əsas inflyasiya göstəriciləri:

                                         May 2021                    son 12 ay

Ümumi rəqəm                        0,6%                             5%

Ərzaq                                     0,4%                            2,2%

Enerji                                     0%                               28,5%

o cümlədən:

Enerji əmtəələri                       -0,6%                         54,5%

Benzin (bütün növlər)              -0,7%                          56,2%

Enerji    xidmətləri                     0,7%                          6,2%

o cümlədən:

Elektrik enerjisi                          0,3%                          4,2%

Qaz                                           1,7%                         13,5%

Ərzaq və enerji çıxmaqla            0,7%                         3,8%

bütün elementlər

Ərzaq və enerji çıxmaqla             1,8%                         6,5%

bütün əmtəələr

Yeni avtomobillər                         1,6%                          3,3%

İstifadə olunan avtomobil və        7,3%                          29,%

yük maşınları