"Zara"nın sahibi ilk rübdə 421 milyon avro xalis mənfəət əldə edib

"Zara"nın sahibi ilk rübdə 421 milyon avro xalis mənfəət əldə edib

İspaniyanın "Inditex" şirkəti 2021-ci ilin əvvəlində 421 milyon avro qazanıb

"Zara"nın sahibi ilk rübdə 421 milyon avro xalis mənfəət əldə edib

İspaniyanın geyim istehsalı və satışı sahəsində tanınmış şirkəti "Inditex", 2021-ci ilin birinci rübünü 421 milyon avro məbləğində xalis mənfəət ilə başa vurduğunu açıqlayıb. Marja xəbər verir ki, bu, pandemiyadan əvvəlki səviyyələrdən üç dəfə aşağıdır.

"Koronavirus pandemiyası ilə əlaqədar şirkətin ABŞ, Fransa, Almaniya, İtaliya, Portuqaliya və Braziliya kimi əsas bazarlarda mağazalarının bağlanması əməliyyatlarına əhəmiyyətli dərəcədə mənfi təsir etməsinə baxmayaraq nəticələr tədricən yaxşılaşmağa işarə edir", - şirkətdən bildirilib.

VTB-də minimal faiz dərəcəsi ilə nağd kredit 9.9%-dən

"Inditex"in 2021-ci ilin yanvarından aprel ayına qədər gəlirləri 4,9 milyard avroya çatıb ki, bu da bir əvvəlki ilin eyni dövrü ilə müqayisədə 48% çoxdur. Birinci rübdə onlayn satışlar 2020-ci ilə nisbətən artıb.

1 May-6 İyun tarixləri arasında satışlar keçən ilin eyni dövrünə nisbətən iki dəfədən çox və 2019-cu ilin eyni dövrünə nisbətən 5% artıb və bu, mağazaların açılışından sonra tələbin artdığını göstərir.

"Inditex" şirkəti ispaniyalı Amancio Ortega tərəfindən qurulub. "Inditex" şirkətinin təxminən 100 ölkədə 7 mindən çox mağazası var. "Inditex'"in ən məşhur markaları "Zara" və "Bershka"dır.