Yaponiya iqtisadiyyatı birinci rübdə 3,9% kiçilib

Yaponiya iqtisadiyyatı birinci rübdə 3,9% kiçilib

Yenilənmiş məlumatlar Asiya nəhənginin hələ də pandemiyadan tam özünə gəlmədiyini göstərir.

Yaponiya iqtisadiyyatı birinci rübdə 3,9% kiçilib

Bügün Yaponiyada cari ilin birinci rübünün ÜDM rəqəmlərinə dair dəqiqləşdirilmiş məlumatlar açıqlanıb.

Marja xəbər verir ki, nəticələr iqtisadiyyatın ötən ilin müvafiq dövrü ilə müqayisədə 3,9% azaldığını göstərir. Bu, ilkin proqnozlara (5,1% geriləmə) nisbətən daha yaxşı nəticə hesab edilsə də, hələ də Asiyanın ən böyük iqtisadiyyatlarından birinin pandemiyadan sonra bərpa prosesinin çətin getdiyini göstərir. Xatırladaq ki, bir sıra ekspertlər Reutersin keçirdiyi sorğuya əsasən 4,8% geriləmə proqnozlaşdırırdılar.

Açıqlama Asiya birjalarına müəyyən dərəcədə təsir edib. Yaponiyanın Nikkei 225 indeksi 0,26%, Topix indeksi 0,3% dəyər qazanıb. Çinin Şanxay kompozit indeksi 0,19%, Şenzen komponent indeksi çox cüzi azalıb, əksinə, Honkonqda Hang Seng indeksi 0,23% bahalaşıb. Cənubi Koreyanın Kospi indeksi 0,1%, Avstraliyanın S&P/ASX 200 indeksi 0,22% yüksəlib.

ABŞ dollar İndeksi öncəki 89,955 göstəricisi ilə müqayisədə nisbətən azalaraq, 90,007 təşkil edib.

Yapon yeni ötən həftəki 1 dollar = 110 yen göstəricisini qismən yaxşılaşdıraraq, 1 dollar = 109,39 yendə qərarlaşıb. 1 Avstraliya dolları = 0,768 dollar olan Avstraliyanın milli valyutası mövqeyini nisbətən yaxşılaşdıraraq, yeni iş gününə 1 Avstraliya dolları = 0,7755 göstəricisi ilə başlayıb.

Hazırda Asiya birjalarında Brent markalı neftin qiyməti bir barrelə 70,88 dollar (azalma-0,85%) təşkil edir, Qərbi Texas (WTI) nefti 68,62 dollara (azalma-0,88%) təklif olunur.

08.06.2021 09:27