Atmosferdəki karbon 4 oksid nisbəti 63 ilin ən yüksək səviyyəsinə çatıb

Atmosferdəki karbon 4 oksid nisbəti 63 ilin ən yüksək səviyyəsinə çatıb

Atmosferdəki karbon 4 oksid nisbəti 63 ilin ən yüksək səviyyəsinə çatıb

Dünyanın atmosferindəki karbon 4 oksid (CO2) nisbəti may ayında 63 ilin ən yüksək səviyyəsinə çatıb.

Marja xəbər verir ki, ABŞ-da olan Scripps Okean Elmləri İnstitutu ilə Milli Okean və Atmosfer İdarəsi (NOAA) tərəfindən dərc olunmuş məlumatlara görə, keçən ay karbon 4 oksid konsentrasiyasının milyonda 419 parçaya (PPM) çatdığı qeyd edilib.

Araşdırmaçılar, bunun 63 illik karbon 4 oksid ölçmələrinin qeydiyyatı tarixi ərzində təsbit edilən ən yüksək rəqəm olduğuna diqqət çəkərək keçən il may ayında bu səviyyənin milyonda 417 PPM olduğu xatırladılıb.

NOAA səlahiyyətlisi Ralph Keeling, "Hər il atmosferdə daha çox karbon 4 oksid yığıldığından, yüksəlişi dayandırmaq üçün önümüzdə hələ uzun bir yol var" ifadəsini istifadə edib.

"Əsla çatmaq istəməyəcəyimiz bir nöqtəyə doğru irəliləyirik"

Keeling, konsentrasiyanın 2021-ci il ərzində 420 PPM-i keçməsini gözlədiklərini qeyd edərək,"Getdikcə əsla çatmaq istəməyəcəyimiz bir nöqtəyə doğru irəliləyirik" xəbərdarlığını edib.

Yeni növ koronavirus (Kovid-19) pandemiyasına görə bağlanmalar və avtomobil istifadəsinin azalması sayəsində keçən il karbon emissiyası 7% geriləmişdir və bu, İkinci Dünya Müharibəsindən bu yana ən yüksək illik azalmadır.

Mütəxəssislər, emissiyanın 2021-də yenidən yüksəlişə keçəcəyini bildirirlər və Paris İqlim Razılaşması uyğun olaraq gələcək 10 ildə hər il emissiyanın 2 milyard tona qədər azaldılmasına ehtiyac olduğuna diqqəti çəkirlər.

08.06.2021 07:19