Alzheimerin dərmanı təsdiqləndi, istehsalçının səhmləri 60% bahalaşdı!

Alzheimerin dərmanı təsdiqləndi, istehsalçının səhmləri 60% bahalaşdı!

Yeni dərman vasitəsi dünyada 35 milyon insana çarə olacaq....

Alzheimerin dərmanı təsdiqləndi, istehsalçının səhmləri 60% bahalaşdı!

Xəbər verdiyimiz kimi, ABŞ-ın transmilli biotexnologiya və əczaçılq şirkəti Biogen Inc.-in Alzheimer xəstəliyinin müalicəsində inqilabi yenilik ola biləcək dərman vasitəsinin ABŞ Qida və Dərman vasitələri Administrasiyası (FDA) tərəfindən təsdiqlənməsi gözlənilirdi. Marja xəbər verir ki, qurum məsələ ilə bağlı milyonlarla insanı sevindirəcək yöndə qərar verib.

Bu, son 20 ildə Alzheimer xəstəliyinin intensiv müalicəsi və onun inkişafının ləngidilməsi ilə bağlı rəsmi səviyyədə təsdiqlənən ilk dərman preparatıdır. Aducanumab tərkibli və “Adulhelm” brendi adı ilə istehsal olunacaq dərman vasitəsinin illik müalicə kursu 56 min dollara başa gələcək.

Məlumat üçün bildirək ki, Alzheimer demensiyanın geniş yayılmış bir növü olub, daha çox yaşlı insanlarda yaddaş, düşüncə və davranış dəyişikliyinə səbəb olan neyrodegenerativ xəstəlikdir. 1905-ci ildə alman psixiatr Altos Alzheimer tərəfindən qeydə alınaraq, onun adını daşıyan bu xəstəlik əsasən 65 yaşdan yuxarı şəxslərdə yayılsa da, son dövrlərdə kifayət qədər “gəncləşmişdir”. Təkcə ABŞ-da 6 milyondan artıq şəxs, dünyada isə ümumilikdə 35 milyon insan bu xəstəlikdən əziyyət çəkir.

“Biz bu dərman vasitəsinə və onun təsdiqinə kifayət qədər mühüm diqqətdən xəbərdarıq.” - FDA-nın Dərman vasitələrinin Qiymətləndirilməsi və Tədqiqi Mərkəzinin direktoru Patrisia Kavazzoni bildirib. O, aducanumab-ın xəstələr üçün müsbət təsirlərinin risklərindən çox olması səbəbindən dərman vasitəsinin təsdiqləndiyini vurğulayıb.

Xəbərin ardından dünən gün ərzində Biogen Inc.-in səhmləri 60%-ə qədər, onun yapon tərəfdaşı Eisainin qiymətli kağızları isə 52% bahalaşıb.