Ən yuxarı (mobil)_30

Fransa Google-u 267 milyon dollar cərimələdi

iç səhifə xəbər başlığı altı (mobil)_31
Fransa Google-u 267 milyon dollar cərimələdi
iç səhifə xəbər şəkil altı-2 (mobil)_32

 

Səbəb bazarda hökmran mövqedən sui-istifadə və rəqabət tələblərinin pozulmasıdır...

Fransanın Antiinhisar Orqanı qlobal texnologiya nəhəngi Google şirkətini 220 milyon avro (267 milyon dollar) cərimələyib.

Marja xəbər verir ki, qurumun bugünkü açıqlamasında Google-un onlayn reklam bazarındakı hökmran mövqeyindən sui-istifadə edərək, əksər şirkətləri öz xidmətlərinə yönəltdiyi və haqsız rəqabət apardığı bildirilib.

Amerikan transmilli media holdinqi NewsCorp, fransız La Figaro qəzeti və Rossel mətbuat qrupunun Google-a qarşı şikayəti əsasında aparılan araşdırma zamanı məlum olub ki, Google vebsayt rəhbərlərinə və tətbiqi proqramçılara özlərinin reklam yerlərini satmağa imkan verən DFP (Double-click for Publishers) reklam serverinə daha imtiyazlı şərait yaradıb. Bununla da Google öz rəqiblərinin və digər sayt adminlərinin daha sərfəli qiymətə reklam təklif etmək imkanını məhdudlaşdırıb.

Antiinhisar qurumunun rəhbəri İzabel de Silva mətbuata açıqlamasında bu qərarın “dünyada onlayn reklamların yerləşdirilməsi və göstərilməsinə kömək edən auksionun mürəkkəb alqoritm proseslərini analiz edən ilk araşdırma” olduğunu bildirib. Qurum rəsmisi həmçinin, Google-un cəriməni ödəməyə razılaşdığını və belə təcrübəyə son verəcəyini vurğulayıb. Google isə bugünkü bloq yazısında özünün reklam texnologiyasında müəyyən dəyişikliklər edəcəyini bəyan edib.

Xatırladaq ki, bu, amerikan texnologiya nəhənglərinə qarşı qlobal miqyasda açılan ilk araşdırma deyil. Hələ ötən həftə Böyük Britaniya və Avropa İttifaqı ayrı-ayrılıqda Facebook-un rəqabət şərtlərini pozması ilə əlaqədar araşdırmalara başlayıb. Avropa Komissiyası həm də Amazon, Google və Microsoftla əlaqədar müxtəlif antiinhisar araşdırmalarını davam etdirir.

 

reklam google
07.06.2021 15:25
📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az

Müştərilərin xəbərləri

Mobil-manshet-alt3_22
Manşetin sağı-2_5
Esas-sehifede-reklam-3_8
Xəbər mətn sağ 1-ci-2_15
Xəbər mətn sağ 2-ci_16
Xəbər mətn sağ 3-cü-2_17
Xeber_metn_sag_18_2_18
InvestAZ