Rusiyanın Sankt-Peterburq şəhərində keçirilən 24-cü Beynəlxalq İqtisadi Forum çərçivəsində İqtisadiyyat Nazirliyi yanında Kiçik və Orta Biznesin İnkişafı Agentliyi (KOBİA) bir sıra görüşlər keçirib, əməkdaşlığa dair iki sənəd imzalayıb.

KOBİA-yanın yaydığı məlumata görə, Qətər İnkişaf Bankının Baş icraçı direktoru Əbdüləziz Nasir Əl-Xəlifə və KOBİA-nın İdarə Heyətinin sədri Orxan Məmmədov arasında keçirilmiş görüşdə əməkdaşlıq imkanları müzakirə edilib, həmçinin Qətər İnkişaf Bankı və Agentlik arasında əməkdaşlığa dair Anlaşma Memorandumu imzalanıb. Sənəd KOB-ların maliyyə və satış bazarlarına çıxışının dəstəklənməsi istiqamətində təcrübə mübadiləsini, birgə təşəbbüslərin reallaşdırılmasını və s. nəzərdə tutur.

Forum çərçivəsində həmçinin, KOBİA və Rusiyanın “Roskonqres” Fondu arasında əməkdaşlığa dair Saziş imzalanıb. Sazişə əsasən tərəflər işgüzar dairələr arasında səmərəli ünsiyyətin yaradılması, qarşılıqlı məsləhət, məlumat və ekspert dəstəyi kimi istiqamətlərdə əməkdaşlıq edəcəklər.

XXX

Azərbaycanın Kiçik və Orta Biznesin İnkişafı Agentliyi (KOBİA) XXIV Sankt-Peterbuq Beynəlxalq İqtisadiyyat Forumu çərçivəsində bir sıra sazişlər imzalayıb.

Məlumata görə, KOBİA-nın İdarə Heyətinin sədri Orxan Məmmədov forum çərçivəsində Qətər və Rusiyadan olan həmkarları ilə görüşlər keçirib.

O. Məmmədov  açıqlamasında KOBİA ilə Qətərin Beynəxlaq Bankı arasında anlaşma memorandumu imzalandığını bildirib: “İnanırıq ki, bu, ölkəmizə və sahibkarlığa olan sərmayələri artıracaq. Qətərdən olan beynəlxalq sərmayələri ölkəmizə cəlb etməyə kömək edəcək”.

KOBİA rəhbəri həmçinin forum çərçivəsində “Roskonqress” təşkilatı ilə anlaşma memorandumu ilə imzalandığını da söyləyib: “Rusiyanın kiçik və orta sahibkarlığı təmsil edən assosiasiyası “APORA” ilə görüş keçirdik. Rusiyadan olan həmkarlarımızla mütəmadi olaraq əlaqədəyik. Hesab edirik ki, Sankt-Peterburq Forumunda iştirak Azərbaycana sərmayələrin cəlb olunmasına kömək olacaq”.

Marja.az Telegramda: https://t.me/marjaaz

APA