Marcom şirkəti Marsol klubuna partnyor seçildi

Marcom şirkəti Marsol klubuna partnyor seçildi

Marcom şirkəti Marsol klubuna partnyor seçildi

Azərbaycanın marketinq və kommunikasiyalar şirkəti Marcom, ölkədə 300-dən çox müxtəlif fəaliyyət istiqamətli şirkətlərin partnyor olduğu Marsol sahibkarlar klubuna partnyor seçildi.

Marsol MMC şirkətinin direktoru Tural Mustafayev Marcomla əməkdaşlığın klub və onun partnyorları üçün faydalı olacağını söylədi.

“Marcom şirkətinin kluba qatılmağının bir çox partnyorlarımız üçün faydalı olacağını hesab edirəm. Şirkətin öz sahəsi üzrə bazar iştirakçılarını ciddi şəkildə maarifləndirməsi bizim klubun ümumi strategiyası ilə uyğunluq təşkil edir. Marcom nümayəndələrinin ilk görüşdə partnyorlarımızın yaranan suallarını dolğun cavablandırması bizim doğru seçim etdiyimizi bir daha təsdiqlədi. İnanıram ki, əməkdaşlığımız həm klub partnyorları, həm də klubun inkişafı baxımından faydalı olacaqdır. “

Marcom şirkətinin icraçı direktoru Ceyhun Fərzəliyev kluba partnyor olmalarını şirkətin fəaliyyətində yeni mərhələ kimi qiymətləndirdi.

“Ölkədə bu kimi sahibkarlıq klubunun olması bizim üçün sevindirici haldır. Şadam ki, Marsol rəhbərliyi sahibkarlığın inkişafına və bu istiqamətdə əlaqələrin genişləndirilməsinə vasitəçi olur. Bu bizə kluba partnyor olan şirkətləri marketinqin müxtəlif sahələri üzrə maarifləndirməyə və onların daha sürətli inkişafına dəstək olmağa imkan yaradacaq. Hal-hazırda tərəflərarası əməkdaşlığın genişləndirilməsi istiqamətində tərəfimizdən təkliflər paketi hazırlanmışdır. Yaxın zamanda bu təkliflərin müzakirəsinə başlamağı düşünürük.”

Qeyd edək ki, Marcom şirkəti həmçinin Azərbaycanda Avropa İnkişaf və Yenidənqurma bankının da marketinq üzrə məsləhətçisidir. Şirkət, həmçinin Gürcüstan bazarında Marcom Georgia adı altında da fəaliyyət göstərməkdədir.

04.05.2021 10:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az