İpoteka və Kredit Zəmanət Fonduna əlavə 161 milyon manat maya qoyulur - FƏRMAN

İpoteka və Kredit Zəmanət Fonduna əlavə 161 milyon manat maya qoyulur - FƏRMAN

İpoteka və Kredit Zəmanət Fonduna əlavə 161 milyon manat maya qoyulur - FƏRMAN

Azərbaycan Respublikasının Prezidenti "Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Fərman imalayıb.

Marja xəbər verir ki, Fərman ilə Fondun nizamnamə kapitalı 161 milyon manat artırılaraq 798 milyon manata yüksəldilir. Hazırda Fondun nizamnamə kapitalı 637 milyon manatdır.

VTB-də yüksək depozit faizləri daha çox qazandırır

Kapitalın artırılması aşağıdakı maliyyə mənbələri hesabına təmin ediləcək:

1. “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinə uyğun olaraq təsdiq edilmiş tədbirlər planına əsasən güzəştli ipoteka kreditləri üçün ayrılan 90 milyon manat hesabına;

2. “Azərbaycan Respublikasının 2021-ci il dövlət büdcəsi haqqında” Azərbaycan Respublikası Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2020-ci il 30 dekabr tarixli 1241 nömrəli Fərmanının 1.11.7.5.1-ci yarımbəndi ilə Azərbaycan Respublikası İpoteka və Kredit Zəmanət Fondunun nizamnamə kapitalının artırılması (güzəştli ipoteka kreditlərinin maliyyələşdirilməsi) üçün 2021-ci ilin dövlət büdcəsindən Fonda ayrılan vəsaitin 71 milyon manatı hesabına.

Azərbaycan Respublikasının Maliyyə Nazirliyi və Fond Fərmandan irəli gələn məsələləri həll etməlidirlər.

03.05.2021 18:16