Ötən il “PAŞA Həyat Sığorta”nın sığorta ödənişləri 2 dəfədən çox artıb

Ötən il “PAŞA Həyat Sığorta”nın sığorta ödənişləri 2 dəfədən çox artıb

Ötən il “PAŞA Həyat Sığorta”nın sığorta ödənişləri 2 dəfədən çox artıb

“PAŞA Həyat Sığorta” ASC 2020-ci ili 21 milyon 774 min manat xalis mənfəət ilə başa vurub. Halbuki, şirkət 2019-cu ili 32 milyon 13 min manat xalis mənfəət ilə bağlamışdı. Xalis mənfəətin azalmasının əsas səbəbi ötən il sığorta ödənişlərinin və işlərin aparılması xərclərinin artması ilə əlaqədar olaraq cəmi xərclərin yüksəlməsidir.

Marja Şirkətin maliyyə hesabatlarına istinadən xəbər verir ki, "PAŞA Həyat Sığorta"nın cəmi əməliyyat gəlirləri 2019-cu ildə 196 milyon 978 min manat ikən 2020-ci ildə 312 milyon 34 min manata yüksəlib (115 milyon 56 min manat və ya 58,4% artıb). Artımın səbəbləri toplanan sığorta haqlarının artması və xalis sığorta ehtiyatlarının müsbətə dəyişməsidir.

VTB-də minimal faiz dərəcəsi ilə nağd kredit 10.49%-dən

Şirkətin cəmi əməliyyat xərcləri isə 156 milyon 742 min manatdan 282 milyon 554 min manata qalxıb (125 milyon 812 min manat və ya 80,2% artıb). Artımın əsas səbəbi sığorta ödənişlərinin artmasıdır.

2019-cu illə müqayisədə 2020-ci ildə "PAŞA Həyat Sığorta"nın topladığı sığorta haqları 31 milyon 152 min manat artaraq 243 milyon 31 min manata yüksəlib (2019-da 211 milyon 879 min manat). Şirkətin illik cəmi sığorta ödənişləri isə 2,2 dəfə artaraq 222 milyon 977 min manat təşkil edib (2019-da 99 milyon 505 min manat).

Ötən il “PAŞA Həyat Sığorta”da işlərin aparılması xərcləri 6% artaraq 54 milyon 480 min manat təşkil edib. Buna səbəb də korporativ sosial məsuliyyət fəaliyyətinə sərf olunan büdcənin artması olub. Pandemiya və müharibə məsələlərində aktiv iştirak edən şirkət bir sıra təşəbbüslər irəli sürmüş və bir neçəsinə qoşulmuşdur. Bunlardan: YAŞAT, Koronavirusla Mübarizəyə Dəstək, Qarabağ Dirçəliş fondlarına yatırımlar, orduya və müharibədən ziyan çəkmiş təbəqələrə yardım, COVID-19 pandemiyasına qarşı mübarizə üçün Kubadan Azərbaycana həkimlərin gətirilməsində dəstək.

Həmçinin oxu

Pandemiya ilində “PAŞA Sığorta”nın sığorta ödənişləri artıb – MALİYYƏ VƏZİYYƏTİNİ AÇIQLADI

“PAŞA Həyat Sığorta” ASC-nin 2020-ci il dekabrın 31-nə olan maliyyə hesabatları

31.03.2021 09:16

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az