Türk Lirəsinə "Powell" şoku

Türk Lirəsinə "Powell" şoku

Türk Lirəsi, qlobal bazarlardakı kəskin satışların və dolların bahalaşmasının təsirilə dollar qarşısında 1% dəyərdən düşüb.

Dollar/TL məzənnəsi ABŞ Mərkəzi Bankının (Fed) sədri Jerome Powell-in (Cerom Pauel) istiqraz faizlərilə əlaqədar bazarların gözlədiyi mesajları verməməsilə əlaqədar olaraq sürətli artım qeyd edib.

Marja xəbər verir ki, Türk Lirəsi, qlobal bazarlardakı kəskin satışların və dolların bahalaşmasının təsirilə dollar qarşısında dəyərdən düşüb.

Dollar/TL məzənnəsi 1%-dən çox yüksələrək 7,58 səviyyəsinin üzərini test etib. Beləliklə, dollar/TL məzənnəsində 28 dekabrdan bu yana ən yüksək səviyyə görülüb.

Bloomberg dollar indeksində yüksəliş 0,7%-ə çatıb.

Fed sədrinin mesajları bazarı təmin etmədi

Fed sədri Jerome Powell-in, istiqraz faizləri və inflyasiyanın nəzarətdə saxlanılacağına dair bazarlara güclü mesajlar verə bilməməsinin ardından qlobal bazarlarda satışlar sürətlənib.

ABŞ Mərkəzi Bankının (Fed) sədri Jerome Powell (Cerom Pauel) etdiyi çıxışında, "Hədəflərimizə çatmaqdan hələ də çox uzaqdayıq" deyib.

Marja xəbər verir ki, pul siyasətində dəyişiklik üçün hədəflərə doğru gerçək bir irəliləyişin lazım olduğunu ifadə edən Jerome Powell, "Hədəflərimizə çatmaq sözümüzə güclü şəkildə bağlıyıq. Məşğulluqda artım gözləmək üçün güclü səbəblər var, ancaq 2021-ci ildə tam məşğulluğa nail olunması o qədər də mümkün deyil" şəklində danışıb.

"İqtisadiyyat yığışdıqca inflyasiyanın yüksəlməsini gözləyirəm" deyən Powell, "Fed, inflyasiya hədəfinə çatmaq üçün vasitələrini istifadə edəcək. İnflyasiyada bir artş görülməsi halında səbirli olacağıq. Faiz artırmağa başlamağımız bir qədər zaman tələb edir. Pul siyasətini sərtləşdirmədən əvvəl nəzər alınması lazım olan bir çox mövzu var" deyib.

Powell, istiqraz bazarındakı oynaqlığın diqqətini çəkdiyini ifadə edib və "Fed, qiymətli kağız alışlarını azaldaraq insanları çaşdırmaq istəmir. Bazarlardakı nizamsız şərtlər narahat olmaq üçün bir səbəbdir. Maliyyə şərtlərinin davamlı sərtləşməsindən narahat oluram. Qlobal aşağı inflyasiya mühiti yaxın zamanda dəyişməyəcək" deyib.

05.03.2021 07:10

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az