Mərkəzi Bank rəhbərliyinin maaşı 21 min manat azalıb

Mərkəzi Bank rəhbərliyinin maaşı 21 min manat azalıb

Mərkəzi Bank rəhbərliyinin maaşı 21 min manat azalıb

2016-cı ildə Azərbaycan Mərkəzi Bankının (AMB) rəhbərliyinə əmək haqqı qismində 869 min manat ödənilib.

VTB-də yüksək depozit faizləri daha çox qazandırır

Bu barədə AMB-nin ötən il üzrə audit hesabatında deyilir. Hesabat "PricewaterhouseCoopers Audit Azerbaijan" MMC tərəfindən hazırlanıb.

2015-ci ildə AMB-nin rəhbərliyinin əmək haqqı fondu 890 min manat təşkil edib. Beləliklə, Mərkəzi Bankın rəhbərliyinə ödənilən əmək haqqı 2,36% və ya 21 min manat azalıb.

2015-ci illə müqayisədə ötən il AMB-nin inzibati və sair əməliyyat xərcləri 25,93% və ya 12,173 mln. manat artaraq 59,103 mln. manata çatıb. Belə ki, AMB-nin regional tikinti və sosial xərcləri 14,363 mln. manat (+5,2 dəfə), işçilər üzrə xərcləri 12,314 mln. manat (-7,67%), tikili və avadanlıqlar üzrə köhnəlmə xərcləri 7,933 mln. manat (-14,13%), proqram təminatı və sair qeyri-maddi aktivlər üzrə amortizasiya xərcləri 5,477 mln. manat (+18,40%), əskinas və sikkələrin istehsalı və nəqli üzrə xərcləri 4,997 mln. manat (+31,58%), proqram təminatı və serverlərin dəstəklənməsi xərcləri 4,622 mln. manat (+1,94 dəfə), Dövlət Sosial Müdafiə Fondu üzrə ödənişləri 2,564 mln. manat (-6,32%), mühafizə xərcləri 1,393 mln. manat (+3,65%), sair xərcləri isə təxminən 1,3 mln. manat təşkil edib.

Tənzimləyici Maliyyə Monitorinqi Xidmətinin maliyyələşdirilməsi üzrə xərclərini kəskin azaldıb. Belə ki, 2015-ci ildə bu maddə üzrə xərclər 2,395 mln. manat olduğu halda, 2016-cı ildə bu rəqəm 672 min manata enib. Böyük ehtimalla, buna səbəb adıçəkilən xidmətin Maliyyə Bazarlarına Nəzarət Palatasının tabeliyinə verilməsi ilə əlaqədardır.

AMB ötən il ezamiyyə xərclərini 9,09% azaldaraq 143 min manata çatdırıb.

©APA

05.05.2017 09:31

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az