Telia Sonera Azercell-in dolayı səhmdarındakı payını satdı

Telia Sonera Azercell-in dolayı səhmdarındakı payını satdı

Telia Sonera Azercell-in dolayı səhmdarındakı payını satdı

Turkcell səhmdarlarından Telia Sonera, 3 May Çərşənbə günü seans yekununda institusional investorlara 150 milyon səhm satışı həyata keçirib.

"Marja" xəbər verir ki, Telia Soneradan edilən açıqlamada satışın Skandinaviya və Baltik ölkələrindəki əməliyyatlara fokuslanma strategiyasının bir hissəsi olduğu ifadə edilib.

VTB-də yüksək depozit faizləri daha çox qazandırır

GÜNÜN SONU 520 MİLYON DOLLARLIQ SATIŞ

Türkiyənin İctimaiyəti Məlumatlandırma Platformasında (KAP) bir açıqlama verilməsə də, bazar mənbələrinin verdiyi məlumatlara görə, satış üçün gün sonunda Bank of America Merrill Lynch, Citigroup və UBS üzərindən 11,42-11,45 TL aralığında əmr yazılıb.

Satılan 150 milyon səhminin qiyməti də təxminən 520 milyon dollardır.

TELIA-NIN BİRBAŞA PAYI 7,2%-Ə DÜŞÜR

Satışla yanaşı Skandinaviya telekommunikasiya şirkətinin Turkcell-də birbaşa payı 14,2%-dən 7,2%-ə geriləyir.

Telia Sonera-nın Turkcell-də dolayı olaraq da 24 faiz payı var.

TURKCELL-İN AZERCELL-İN SƏHMDARININ SƏHMDARINDA PAYI VAR

Turkcell Azərbaycanda fəaliyyət göstərən Azercell Telekom şirkətinin dolayı səhmdarlarından biridir.

Turkcell də Teliasonera ilə birlikdə Fintur əməliyyatlarından çıxacaqlarını bildirmişdilər. Turkcell 41.45 faiz paya malik olduğu iştirakı Fintur-dakı səhmlərin satışı daxil olmaqla, bir sıra variantlara baxırdı.

Turkcell-in Azərbaycan, Qazaxıstan, Gürcüstan və Moldovadakı fəaliyyətini təmin edən Fintur-da 41,45 faiz payı var. Qalan 58,55 faiz səhm isə Teliasonera-ya aiddir. Teliasonera-da Fintur-dakı payını satacağını elan edib.

"Azercell" şirkətinin səhmdarı Türkiyənin “Azertel Telekomünikasyon Yatırım Dış Ticaret A.Ş.” şirkətidir (100%). Bu şirkət Türkiyənin “Cenay” Şirkətlər qrupuna daxildir.

“Azertel”in nizamnamə kapitalının 51.3%-i “Fintur Holdings B.V”yə, 42.2%-i “Cenay İletisim”ə və 6.5%-i Maltanın “FA Invest” şirkətinə aiddir. “Fintur”un dolayı yolla “Azercell”də 51,3% payı var.

04.05.2017 06:31