Həyat sığortası 14%, qeyri-həyat sığortası isə 3% artıb

Həyat sığortası 14%, qeyri-həyat sığortası isə 3% artıb

Həyat sığortası 14%, qeyri-həyat sığortası isə 3% artıb

2020-ci ildə Azərbaycanda həyat sığortası növlərinin hesabına 303 milyon 744 min manat sığorta haqqı toplanılıb. Bu, 2019-cu illə müqayisədə 13,6% çoxdur.

Ötən il qeyri-həyat sığortası növlərinin hesabına daxilolmalar isə 424 milyon 890 min manat təşkil edib. Bu isə illik müqayisədə 2,7% çoxdur.

Hesabat dövründə həyat sığortası növləri üzrə ödənişlər 2,3 dəfə artaraq 283 milyon manata, qeyri-həyat sığortası növləri üzrə ödənişlər isə 3,1% artaraq 182 milyon 153 min manata çatıb.

Beləliklə, 2020-ci ildə həyat sığortası bazarında toplanmış hər 100 manat sığorta haqqının 93,2 manatı, qeyri-həyat sığortası bazarında toplanmış hər 100 manat sığorta haqqının isə 42,9 manatı müştərilərə geri ödənilib. Bu rəqəmlər 2019-cu ildə müvafiq olaraq 46,7 manat və 42,7 manat olub.

Könüllü sığorta 10%, icbari sığorta isə 1% artıb

2020-ci ildə Azərbaycanda könüllü sığorta növlərinin hesabına 502 milyon 769 min manat sığorta haqqı toplanılıb. Bu, 2019-ci illə müqayisədə 10,1% çoxdur.

Ötən il icbari sığorta növləri hesabına daxilolmaların məbləği isə 0,6% artaraq 225 milyon 865 min manat olub.

Hesabat dövründə könüllü sığorta növləri isə ödənişlərin məbləği 378 milyon 741 min manat təşkil edib ki, bu da illik müqayisədə 71,45% çoxdur. İl ərzində icbari sığorta növləri üzrə ödənişlərin məbləği isə 7,2% azalaraq 86 milyon 412 min manata düşüb.

Beləliklə, 2020-ci ildə könüllü sığorta bazarından toplanmış hər 100 manat sığorta haqqının 75,3 manatı qədər ödəniş edilib. Bu rəqəm 2019-cu ildə 48,4 manat olub. İl ərzində icbari sığorta bazarında hər 100 manat sığorta haqqına düşən ödənişin məbləği isə 38,3 manatdan 35,9 manata düşüb.

Həmçinin oxu

Sığorta şirkətlərinin yığımları və ödənişləri - SİYAHI

®️ Renkinq

27.01.2021 09:30

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az