SOCAR yeni istiqrazlarına geri almaq zəmanəti vermir - FAİZİ DƏ AŞAĞI SALINIB

SOCAR yeni istiqrazlarına geri almaq zəmanəti vermir - FAİZİ DƏ AŞAĞI SALINIB

SOCAR yeni istiqrazlarına geri almaq zəmanəti vermir - FAİZİ DƏ AŞAĞI SALINIB

Xəbər verdiyimiz kimi, 2020-ci ilin 6 ayını 180 milyon manat zərər ilə başa vurmuş, Azərbaycanın ən böyük şirkəti və dövlət qurumu olan SOCAR hər birinin nominal dəyəri 1 000 ABŞ dolları olan 100 000 ədəd faizli, təmin edilməmiş, sənədsiz, adlı istiqrazlar buraxır (cəmi 100 milyon dollarlıq). SOCAR tərəfindən 2016-cı ildə də 100 milyon dollarlıq istiqrazlar buraxılmışdır.

Marja xəbər verir ki, SOCAR İstiqrazlarının ilkin yerləşdirilməsi abunə yazılışı formasında kütləvi təklif üsulu ilə “Bakı Fond Birjası” QSC-nin ticarət platformasında həyata keçiriləcəkdir.

İstiqrazlar üzrə illik faiz dərəcəsi (gəlirliliyi) 4.5% təşkil edir. İstiqrazların əsas məbləğinin ödənilmə müddəti buraxılışda olan ilk istiqrazın yerləşdirildiyi tarixdən etibarən 5 il təşkil edir. İstiqrazlar üzrə faizlər (kupon) buraxılışda olan ilk istiqrazın yerləşdirildiyi tarixdən etibarən hər 3 aydan bir olmaqla 5 il müddətində ödəniləcəkdir.

İstiqrazların tədavül müddəti ərzində, hər kupon ödənişi dövründə, kupon ödənişi gününə istiqraz mülkiyyətçilərinin sahib olduqları istiqrazların nominal dəyərinin 1.125%-i qədərində hesablanmış faiz İstiqraz sahiblərinin bank hesablarına köçürüləcək. Hər bir istiqraz üzrə 11.25 ABŞ dolları olmaqla ümumilikdə, 20 dəfə faiz ödənişi olacaqdır.

SOCAR-ın bundan öncə buraxdığı hər birinin nominal dəyəri 1000 ABŞ Dolları olan 5 illik 100 000 istiqraz üzrə faiz dərəcəsi 5%-dir. Beləliklə, SOCAR 5 illik istiqrazları üzrə faizi 0,5 bənd aşağı salıb.

Diqqəti cəlb edən yeni istiqrazların emitent (SOCAR) tərəfindən geri satın alınmasının nəzərdə tutulmamasıdır. 2016-cı ildə 5 illik istiqrazlar SOCAR-ın geri alma zəmanəti ilə buraxılmışdı və istiqrazı istənilən vaxt pula deyişmək mümkündür və onun qiyməti heç vaxt 1000 ABŞ dollarından aşağı enmir.

Həmçinin oxu

SOCAR maliyyə vəziyyətini açıqladı

13.01.2021 10:14

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az