ABŞ Mərkəzi Bankının (Fed) sabah başa çatacaq pul siyasəti toplantısında faizin sabit saxlanılması barədə qərar veriləcəyi və iqtisadiyyatın gedişini izləməyə davam edəcəyi güman edilir.

"Marja" xəbər verir ki, Mərkəzi Bank qərar mətnində faizin iyun ayında artıra biləcəyinin siqnalını verə bilər.

VALYUTALARIN DƏYİŞMƏSİNDƏN PUL QAZAN!

Dekabr ayında faizi 25 bənd artıran Fed, bundan iki iclas sonra Mart ayında da faizi artırmışdı. Hazırda Fed-in pul siyasəti faizi 0.75 faiz ilə 1 faiz intervalındadır.

Reuters-in sorğusuna qatılan iqtisadçılar bu ay Fed-in faizlərdə dəyişiklik ediləcəyinə o qədər də ehtimal vermir. İnvestorlar, faizin İyun ayında keçiriləcək növbəti iclasında qaldırılacağını təxmin edirlər.

Fed eyni zamanda, Trump rəhbərliyinin iqtisadiyyata təsir edəcək vergi, kommunal xərclər və tənzimləmə sahələri ilə bağlı Konqresdən keçirəcəyi layihələri görmək istəyir. Hakimiyyətin iqtisadiyyata müsbət  təsir edəcək tədbirlər görməsi faiz qərarlarını önə çəkə bilər.

ÖDƏNİŞSİZ FOREX SEMİNARINA QATILIN!

ABŞ İQTİSADİYYATI QARIŞIQ SİQNALLAR VERİR

 
Fed-in son toplantısından bu yana iqtisadiyyatdan qarışıq siqnallar gəlir. ABŞ iqtisadiyyatı ilin ilk rübündə istehlakçı xərclərindəki azalmalar ilə əlaqədar olaraq 0.7 faiz kimi yavaş bir böyümə qeyd edib.

 
Buna qarşılıq investisiyalardakı artım və  əmək haqlarında 10 ilin ən sürətli yüksəlişinin qeyd edilməsi ilin davamında iqtisadiyyatın yeni təkan qazanacağına işarə edir.

 
 ABŞ-da məşğulluq artımı da mart ayında kəskin şəkildə yavaşlayıb. Buna qarşılıq işsizlik 4.5 faiz ilə təxminən 10 ilin ən aşağı səviyyələrində qalmağa davam edib.

 
 İqtisadçılar ABŞ-ın ilk rübdə qeyd etdiyi zəif iqtisadi artımı, yanvar-mart dövrü üçün statistik hesablamalardan qaynaqlanan problemlər və mövsümi səbəblərlə yavaşlayan işə qəbullara bağlayırlar.
 
 
 Fed-in iyun ayındakı növbəti toplantısına qədər daha iki işsizlik göstəricisi dərc olunacaq.

OFİS LƏVAZİMATLARI TOPDANSATIŞ QİYMƏTLƏRİNƏ!

BALANSI KİÇİLTMƏK ÜÇÜN NECƏ BİR ÜSUL TƏTBİQ EDİLƏCƏK

 
 Bundan başqa, ekspertlər, Fed tərəfindən maliyyə böhranı zamanı satın alınan 4.5 trilyon dollar məbləğindəki  qiyməti kağızlardan ibarət balansı kiçiltmək üçün necə bir üsul istifadə ediləcəyi də maraqla gözlənir.   

Fed rəsmiləri martda keçirdikləri görüşün protokollarında bu il iərzində balansın necə kiçildilməsini açıqlayacaqlarını bildirmişdilər.

 
Balansın kiçildilməsi təqvimi kimi dəqiq məlumatların bu toplantıda açıqlanması gözlənilmir.