"İnci Şirkətlər Qrupu" “YAŞAT” Fonduna yardım etdi - MƏBLƏĞ

"İnci Şirkətlər Qrupu" “YAŞAT” Fonduna yardım etdi - MƏBLƏĞ

"İnci Şirkətlər Qrupu" “YAŞAT” Fonduna yardım etdi - MƏBLƏĞ

"Ofisait" mağazalar şəbəkəsinin də daxil olduğu "İnci Şirkətlər Qrupu" QSC ölkəmizin ərazi bütövlüyünün müdafiəsi zamanı yaralananların və şəhid olanların ailələrinin təminatına dəstək məqsədilə yaradılmış “YAŞAT” Fonduna 30 min manat ianə köçürüb.

Bu barədə Marja-ya Şirkətdən bildirilib.

VTB-də yüksək depozit faizləri daha çox qazandırır

Xatırladaq ki, "İnci Şirkətlər Qrupu" bu ilin Mart ayında Koronavirusla Mübarizəyə Dəstək Fonduna 30 min manat, Sentyabr ayında isə Azərbaycan Ordusuna dəstək üçün Azərbaycan Respublikası Silahlı Qüvvələrə Yardım Fonduna da 30 min manat ianə köçürmüşdür.

Eyni zamanda, şirkətin bir neçə əməkdaşı da torpaqlarımızın işğaldan azad olması uğrunda gedən döyüşlərdə iştirak etmək üçün ordu sıralarına qoşulub. Qismən səfərbərlik elanı ilə əlaqədar və könüllü döyüş bölgəsinə yollanmış hər bir şirkət əməkdaşının iş yeri və əmək haqqısı tam saxlanılıb, onların ailə üzvlərinə yardım edilib.

Qeyd edək ki, 08 Dekabr 2020-ci il tarixində Prezident İlham Əliyev Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondunun (“YAŞAT” Fondu) yaradılması haqqında Fərman imzalayıb. Fond sosial müdafiəsi sahəsində dövlət tərəfindən həyata keçirilən tədbirlərə əlavə dəstək verilməsi (maliyyə yardımlarının göstərilməsi və digər dəstək tədbirlərinin həyata keçirilməsi) üçün şəffaf, effektiv və əlçatan platformanın formalaşdırılması məqsədilə yaradılıb.

Fondun vəsaiti Azərbaycan Respublikası vətəndaşlarının, xarici ölkələrdə yaşayan soydaşlarımızın, digər fiziki və hüquqi şəxslərin könüllü olaraq maliyyə vəsaiti şəklində verdiyi yardımlar (ianələr), habelə qanunla qadağan olunmayan digər mənbələr hesabına formalaşdırılır.

14.12.2020 15:21

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az